GENESIS 31:48 - Lai (Hakha) Common Language Bible 2006

⁴⁸ Laban nih cun, “Hi lungpumh hi nangmah ca le keimah caah hngalh ṭhantertu si seh,” a ti. Cu ruangah cun cu hmun Galeed an tinak cu a si.

GENESIS 31:48 ပူးပေါင်းရင်းမြစ်များ

GENESIS 21:30

Abraham nih cun, “Hi tuufa pasarih hi na ka cohlan hrimhrim hna lai. Zeicahtiah cu ti na ka cohlannak nih cun, hi tikhor a cotu hi keimah ka si kha a langhter lai,” tiah a leh.

GENESIS 31:23

A mi kha aa kalpi hna i Jakob cu an dawi, ni sarih hnuah Gilead Tlang ah a phanh.

DEUTERONOMI 2:36

Arnon nelrawn kam i a ummi Aroer in le nelrawn chung i a ummi khua in Gilead tiang, kan ca i a sang tukmi khua pakhat hmanh an um lo; Bawipa kan Pathian nih kan kut chungah an dihlak in a kan pek.

DEUTERONOMI 3:16

Reuben mi hna le Gad mi hna cu Gilead in Arnon nelrawn tiang ram kha ka pek hna, cu nelrawn laifang cun an ramri cu a si, Jabbok tiva Ammon mi hna ramri tiangin;

JOSHUA 22:27

kannih le nannih karlak ah, kan hnu i kan tefa hna karlak ah biahngaltu a si i Bawipa rian cu kannih nih amah hmaika ah kan khangh thawinak le raithawinak le daihnak thawinak in kan rak ṭuan ve tinak caah biakṭheng pakhat ser u sih; hmailei ah nan tefa hna nih kan tefa hna cu, “Bawipa chungah covo zeihmanh nan ngei lo,” an ti sual hna nakhnga lo,’ tiah kan ti.

JOSHUA 22:28

Cun mah hihi hmailei ah kannih sinah siseh, kan ciruang hna sinah siseh, chim a si sual ahcun, ‘Bawipa biakṭheng a keep hi zohhmanh u, kan pupa hna nih khangh thawinak caah si loin le raithawinak caah si loin, nannih le kannih karlak i biahngaltu si dingah an rak sermi hi,’ tiah kan chim lai tiah kan ruah.

JOSHUA 22:34

Reuben mi hna le Gad mi hna nih cu biakṭheng cu Ed tiah min an sak; “Zeitintiah cu biakṭheng cu Bawipa cu Pathian a si tiah kan karlakah biahngaltu a si caah,” an ti.

JOSHUA 24:27

Cun Joshua nih mi vialte cu, “Zohhmanh u, mah hi lung hi kan cung i biahngaltu a si lai, zeitintiah Bawipa nih kan sinah a chimmi bia vialte kha hi lung nih hin a theih; cu caah nan cungah biahngaltu a si lai, nan Pathian cungah nan hrokhrawl sual nakhnga lo,” tiah a ti hna.

BIACEIHTU 10:3

Amah hnuah Gilead mi Jair cu a hung chuak i Israel mi cu kum kul le kum hnih bia a ceih hna.