GENESIS 31:38 - Lai (Hakha) Common Language Bible 2006

³⁸ Na sinah kum kul ka um i na tuu nih si hna seh na meheh nih si hna seh fa an hrulh bal lo, na tuurun chungin na tuukawng zong ka ei bal hna lo.

GENESIS 31:38 ပူးပေါင်းရင်းမြစ်များ

GENESIS 30:27

Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, Bawipa nih thluachuah a ka pek hi nangmah thawngin a si.

GENESIS 30:29

Jakob nih cun, “Zeitindah na rian ka ṭuan le keimah nih ka zohkhenh hna thawngin zeitluk in dah na saṭil an karh cu na hngalh.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 31:10

“Saṭil phol caan ah mang ka manh i ka mang ah cun a kaihtu hna meheh tum kha ṭial hrawl in a ṭialmi le, ṭial dip in a ṭialmi le a deh in aa dehmi an si kha ka hmuh.

GENESIS 31:37

Ka ngeihmi thil vialte cu na thlok dih cikcek hna, na innchungkhar thil a simi zeital na hmu hna maw? Na mi hna le ka mi hna hmaiah hin chia law, ahodah a ding, ahodah a ding lo, kan ceih hna seh.

GENESIS 31:39

Sa nih tuu pakhat khat a seh tikah, keimah palh ruangah a si lo, tiin a ruak cu na hmuh awkah na sinah ka ratpi bal lo, keimah nih ka liam ko. Chun i firmi siseh zan i firmi siseh na liam hna lai na ka ti.

EXODUS 23:26

Nan ram chungah ahohmanh nau rawk nan um lai lo i fa ngei loin a ummi nan um lai lo, chan sau pipi kan nunter hna lai.

DEUTERONOMI 28:4

Nan pum theitlai le nan vawlei theitlai, nan saṭil theitlai, nan caw karhnak le nan tuu punzamnak cu thluachuah pek a si lai.