GENESIS 31:24 - Lai (Hakha) Common Language Bible 2006

²⁴ Cu zan ah cun Aramean mi Laban sinah khan Pathian cu mang in a ra i, “Jakob sinah hronak bia na chim nakhnga lo i ralring,” a ti.

GENESIS 31:24 ပူးပေါင်းရင်းမြစ်များ

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

GENESIS 20:6

Pathian nih cun a mang ah khan a vun leh i, “A si, lung thiang tein na tuah ti kha ka hngalh; cucaah cun pei ka cungah na sual sual lai tiah a tongh hmanh kan tonghter lo cu.

GENESIS 24:50

Laban le Bethuel nih cun, “Hi thil hi Bawipa sinin a rami a si caah kannih nih biakhiahnak hi kan tuah awk a si hnga lo.

GENESIS 28:5

Isak nih Jakob cu Mesopotamia ram i a ummi Aramean mi Bethuel fapa Laban sinah khan a thlah. Laban cu Jakob le Esau nu Rebekah ṭa kha a si.

GENESIS 31:10

“Saṭil phol caan ah mang ka manh i ka mang ah cun a kaihtu hna meheh tum kha ṭial hrawl in a ṭialmi le, ṭial dip in a ṭialmi le a deh in aa dehmi an si kha ka hmuh.

GENESIS 31:11

Cu ka mang ah cun vancungmi nih a ka thawh i, ‘Jakob,’ a ka ti i, kei nih, ‘Hawi,’ ka ti.

GENESIS 31:23

A mi kha aa kalpi hna i Jakob cu an dawi, ni sarih hnuah Gilead Tlang ah a phanh.

GENESIS 31:25

Jakob cu tlang ah khan a rak riak i Laban nih cun a hun phanh. Laban zong cu Gilead Tlang ah cun a riak ve.

GENESIS 31:29

Na cungah hin harnak ka duh ahcun ka tlunter khawh ko. Asinain zahan ah na pa Pathian nih, ‘Jakob sinah hronak bia na chim nakhnga lo i ralring,’ tiah a ka ti.

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

GENESIS 31:7

Asinain a ka hlen i ka hmuh awk hnga kha voi hra a ka hlen. Sihmanhsehlaw ka cung i ṭhat lonak tuah cu Pathian nih a onh lo.

GENESIS 40:5

Zan khat cu Izipt siangpahrang din awk lei khuakhangtu bawi le changreu sertu nih cun thong chungah cun mang an manh veve i sullam an ngei veve.

GENESIS 41:1

Kum hnih a liam hnuah khin Faro nih mang pakhat a manh i a mang ah cun Nail Tiva kamah khan a dir.

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

1 SIANGPAHRANG 3:5

Gibeon ah cun Solomon sinah Bawipa cu mang in zan ah a lang i Pathian nih cun, “Zeidah kan pek lai, ka hal tuah,” tiah a ti.

JOB 33:25

Cu pa cu a tlanval lio nakkhan a titsa a ṭha deuh lai i a ṭhawn siling te ah khan a kir ṭhan lai.

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

HOSEA 12:12

Kan pu Jakob cu Aram ram ah khan a rak zam i Khika ah nupi ṭhitnak caah mi tuu kha a rak khal.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

NAMBAR 22:20

Cun Pathian nih Balaam sinah zan ah a ra i, “Hi mi hna nih nangmah kawh awkah an rat ahcun, tho law, an sinah va kal ko; sihmanhsehlaw kan chimhmi lawnglawng kha na tuah lai,” tiah a sinah a ti.

NAMBAR 22:26

Cun Bawipa vancungmi cu hmailei ah a kal ṭhan i orhlei ah siseh, kehlei ah siseh, i mernak a um lonak hmun, hmun ceprep pakhat ah, a dir.

MATTHAI 1:20

Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

MATTHAI 2:12

Pathian nih an mang ah Herod sin i kir ti lo ding khan a chimh hna i cucaah lam dang in an ram ah khan an kir.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

DEUTERONOMI 26:5

“Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.