GENESIS 30:4 - Lai (Hakha) Common Language Bible 2006

⁴ Cuticun a salnu cu a va kha a pek i a va nih cun a ihpi.

GENESIS 30:4 ပူးပေါင်းရင်းမြစ်များ

GENESIS 16:2

Sarai nih cun Abram cu a thawh, i, “Zohhmanh, kei cu Bawipa nih fa ngeih a ka sianh lo. Cucaah cun zeicahdah ka salnu hi na ihpi ko lo? Fa a hei ka hrinpiak ko hnga dah kaw,” tiah a ti.

GENESIS 21:10

Cucu Sarah nih a hmuh i, “Hi salnu le a fapa hi ṭhawl hna. Ka fapa Isak nih a co awk hnga a simi na chawva vialte hi, hi salnu fapa nih hin a tinco ve awk a si hrimhrim lo,” a ti.

GENESIS 22:24

Nahor nupi a pahnihnak Reumah nih, Tebah, Gaham, Tahash le Maakah a hrin hna.

GENESIS 25:1

Abraham nih midang pakhat a ṭhit ṭhan i a min ah Keturah a si.

GENESIS 25:6

Sihmanhsehlaw a thih hlanah a nupi dang hna fapa hna zong kha laksawng a pek hna i nichuahlei ah a kalter hna; a fapa Isak sinin aa hlatmi ram Nichuahlei ram ah a kalter hna.

GENESIS 29:29

(Laban nih a salnu Bilhah kha a fanu Rachel cu a kalh).

GENESIS 30:5

Bilhah cu fa a pawi i Jakob cu fapa a hrinpiak.

GENESIS 33:2

Annih le an fale kha hmaisuang ah a chiah hna, cun Leah le a fale nih khan an hun chan hna i Rachel le Josef cu hnu bik ah a chiah hna.

GENESIS 35:22

Israel kha cu ram i a um lioah cun Reuben nih khan a pa nupi pakhat Bilhah cu a ihpi. Cu kong cu Israel nih khan a theih i a thin a hung ngaingai. Jakob fapa cu hleihnih an si:

GENESIS 46:25

Hi pasarih hi Bilhah nih Jakob a hrinpiakmi tefa an si; Bilhah cu Laban nih a fanu Rachel a kalhmi kha a si.

2 SAMUEL 12:11

Hi bangin Bawipa nih, ‘Zohhmanh, nangmah inn chung lila in ṭhat lonak nangmah cungah ka chuahter lai i na mitka hrimhrim ah na nupile hna cu ka lak hna lai i na innpa kha ka pek hna lai i hi ni ka hmuh hngan ah hin na nupile cu a ihpi hna lai.