GENESIS 30:39 - Lai (Hakha) Common Language Bible 2006

³⁹ Saṭil nih thing nge chiahmi hna hmai i an i kaih caah cun a phei in a ṭialmi le ṭial dip in a ṭialmi le ṭial hrawl in a ṭialmi kha an hrin hna.

GENESIS 30:39 ပူးပေါင်းရင်းမြစ်များ

GENESIS 30:38

Hi thing nge hna hi saṭil tidinnak kuang hmaiah khan a chiah hna. Cuka i a chiah hna cu saṭil cu tidin awk i an rat ah khan an i kaih tawn caah a si.

GENESIS 30:40

Jakob nih tuu kha a dang tein a chiah hna i Laban saṭil run chung i a ṭialmi le a nakmi hna sinah khan a tlonter hna. Cuticun Jakob nih cun amah saṭil run cu aa ser ve i Laban saṭil run he khan a fonh hna lo.

GENESIS 31:38

Na sinah kum kul ka um i na tuu nih si hna seh na meheh nih si hna seh fa an hrulh bal lo, na tuurun chungin na tuukawng zong ka ei bal hna lo.

GENESIS 31:40

Chun ah nilin voi tampi ka in i zan ah khuasik voi tampi ka in. Kaa hngilh khawh lo caan voi tampi a um.

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

GENESIS 31:8

Laban nih, ‘Meheh lak i a ṭial paoh na rianṭuan man ah si hna seh,’ a ti ah, saṭil run vialte nih a ṭial lawng tein fa an hrin. ‘Ṭial hrawl in a ṭialmi meheh cu na rianṭuan man ah si hna seh,’ a ti ah saṭil run vialte nih ṭial hrawl lawng tein fa an hrin.