GENESIS 30:30 - Lai (Hakha) Common Language Bible 2006

³⁰ Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 30:30 ပူးပေါင်းရင်းမြစ်များ

GENESIS 30:29

Jakob nih cun, “Zeitindah na rian ka ṭuan le keimah nih ka zohkhenh hna thawngin zeitluk in dah na saṭil an karh cu na hngalh.

GENESIS 30:31

Laban nih cun, “Zeidah kan pek lai?” tiah a ti ṭhan i Jakob nih cun, “Ka duhmi cu ṭuan man kha a si lo. Ka chimmi hi na tuah ding ahcun na saṭil kha kan zohpiak rih ko lai.

GENESIS 30:43

Khulrang in a rum ko. Saṭil run tampi le sal le kalauk le laa kha a ngeih hna.

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

2 KORIN 12:14

Atu hi nanmah tlawn kan timh hna a voi thumnak a si — zeihmanh kan hal hna lai lo. Ka duhmi cu nanmah nan si, nan tangka a si lo. A ngaingai ti ahcun, fale nih pale cu an cawm hna awk a si ṭung lo, pale nih pei fale cu an cawm hna awk a si deuh cu.

DEUTERONOMI 11:10

Zeitintiah nannih nih co awkah nan va luhhnawh laimi ram cu nan hung chuahnak Izipt ram, a chung i thlaici nan tuh tik i anhring dum bangin nan ke in ti nan toihmi ram bantuk kha a si lo;

1TIMOTE 5:8

Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a ṭha lo deuhmi a si.