GENESIS 30:27 - Lai (Hakha) Common Language Bible 2006

²⁷ Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, Bawipa nih thluachuah a ka pek hi nangmah thawngin a si.

GENESIS 30:27 ပူးပေါင်းရင်းမြစ်များ

GENESIS 12:3

Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

GENESIS 18:3

“Bawipa, Ka inn ah tang ta loin kei santlailo pa hi, ka lanhtak sawh hlah.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 33:15

Cun Esau nih, “Ka mi hi tlawmpal in kan chiahtak kun lai,” a ti. Sihmanhsehlaw Jakob nih, “Cucu na ka zaangfah caah a si taktak ko, bawipa, asinain a herhnak a um lai lo,” tiah a ti.

GENESIS 34:11

Cun Shekhem nih cun Dinah pa le a ṭale cu a thawh hna i, “Hi te hi cu ka zaangfah ko u law nan duhmi paoh kha kan pek ko hna lai.

GENESIS 44:5

Zeicahdah ka ngun hrai nan fir? Hi hrai hi ka bawipa nih dinnak ah a hmanmi hrai a si i hmailei ah zeidah a tlung lai ti zohnak i a hmanmi a si. Nan tuahmi hi thil ṭhalo ngaingai a si!” na va ti lai,’ tiah a ti.

GENESIS 47:25

Annih nih an leh i, “Kan nunnak kha na kan khamh; kan cungah, bawipa, na ṭha i Faro sal kan si ko lai,” an ti.

2 SAMUEL 6:11

Cun Bawipa kuang cu Git mi Obededom inn chungah khan thla thum a um i Bawipa nih Obededom le a innchungkhar vialte kha thluachuahnak a pek hna.

1 SIANGPAHRANG 11:19

Hadad nih cun Faro cu a lung a ton ngaingai i cucaah a nupi, Siangpahrang Tahpenes i a unaunu kha ṭhit awkah a pek.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

NEHEMIAH 2:5

Cun siangpahrang cu ka thawh i, “Siangpahrang duhnak a si i na hmaiah na sal nih hin mithmai ṭha ka hmuh a si ahcun, ka va remh nakhnga, Judah ram ka pupa hna thlan umnak khuapi ah cun ka kalter tuah,” tiah ka ti.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

EXODUS 3:21

“Izipt mi cu ka mi kha kan hmaizahter hna lai i cucaah nan kal tikah kutro in nan kal lai lo.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

ISAIAH 65:8

Bawipa nih aa thawh i, “Mitsur thei ṭha cu ahohmanh nih an rawk bal lo, mitsur hang sernak tu ah khan an hman hna. Cu bantukin kei zong nih ka mi cu an dihlak in ka hrawk hna lai lo, ka rian a ṭuantu cu ka khamh hna lai.

DANIEL 1:9

Pathian nih a bawipa cu Daniel cungah khan zaangfahnak le lungthin ṭhatnak a ngeihter i cucaah cun a thawh i,

NAMBAR 11:11

Moses nih Bawipa sinah, “Zeicahdah na sal hi ṭhalo in na ka tuah? Zeicahdah na mit ka tlin lo i hi mi vialte hna phorhrit hi ka cungah na ka khinh?

NAMBAR 11:15

Mahtihin na ka tuah ding a si ahcun, hmakhatte ah ka that ko, na mithmai ah velngeihnak ka hmuh a si ahcun, ka retheihnak kha ka hmuhter hlah,” tiah a ti.

LAMKALTU 7:10

harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.

RUTH 2:13

Cun anih nih, “Ka bawipa, ka cungah na ṭha hringhran ko, zeitintiah ka hna na ka ngamter i, na salnu si ve hmanh hlah ning law, na salnu sinah hin bia nemnem na chim,” tiah a ti.

1 SAMUEL 16:22

Cun Saul nih Jesse cu bia a hei cah i, “David cu ka rian ah hin um ko seh, zeitintiah a cungah ka mit a tling,” tiah a ti.