GENESIS 3:19 - Lai (Hakha) Common Language Bible 2006

¹⁹ Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

GENESIS 3:19 ပူးပေါင်းရင်းမြစ်များ

GENESIS 18:27

Abraham nih khan a hun i thawh ṭhan i, “Kei cu leidip le vutcam si ko hmanh ning law, Bawipa, nangmah cu ngamh ngaiin kan chawnh hi ka ngaithiam ko.

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

GENESIS 23:4

“Kei cu hika ah hin ramdangmi le a lang i a ra um tami ka si. Cucaah nan vawlei tlawmpal cu kan i vuinak ding caah ka zuarh u law ka duh, ka nupi cu cuka ah cun ka vui khawh nakhnga,” a ti.

GENESIS 3:18

Hlingbur le belh kha an kho tung lai i ramlak thingram kha na ei a hau lai.

GENESIS 5:5

kum za kua le sawm thum a si ah a thi.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

JOB 10:9

Tlak in na ka ser kha philh hlah; Leidip ah maw na ka canter ṭhan lai?

JOB 19:26

Cun ka cuar cu hrawh a si dih tikah ka titsa in Pathian cu ka hmuh lai.

JOB 21:26

Leidip chungah bangrep in an it i cangcel nih an khuh hna.

JOB 34:15

Titsa vialte cu hmunkhat ah an rawk dih lai i minung cu leidip ah a kir ṭhan ko lai.

JOB 4:19

Cucaah tlak inn ah khua a sa i a hram cu leidip a si i Pelep bangin a man khomi cu zeitluk in dah a ti chinchin hna lai.

SALM 103:14

Zei in dah ser kan si kha a hngalh i leidip men kan si kha a philh lo.

SALM 104:23

Cun mi cu an rianṭuan awkah an chuak i zanlei tiang an ṭuan.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

SALM 127:2

Khuasak tintuknak caah fak tuk in rianṭuan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah, an herhmi kha a pek ko hna.

SALM 22:15

Ka hrom cu leidip ro in a ro, ka lei cu ka dang cunglei ah aa beh. Leidip lak i hung thi dingah na ka kaltak.

SALM 22:29

Miporhlaw vialte kha a hmaiah an kun lai, a thi khomi minung, a thi ding a si komi vialte hna kha a hmaiah an kun lai.

SALM 90:3

Minung cu an rak sining ah khan kir ṭhan u na ti hna, vawlei ah na canter ṭhan hna.

PHUNGTHLÛKBIA 21:16

Hngalhthiamnak lam zul loin a pialmi cu thihnak nih a bawh ko.

PHUNGCHIMTU 1:13

Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko.

PHUNGCHIMTU 1:3

Minung nih hin nilin lak le khuasa lak i a ṭuanmi rian hin zeidah a miak a hmuh?

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

PHUNGCHIMTU 3:20

An pahnih tein an fuhmi hmun cu aa khat ko — leidip kha a si ko. An pahnih in cuka cun an chuak i an pahnih in cuka ah cun an kir ṭhan lai.

PHUNGCHIMTU 5:15

Hi vawlei hi kan hung luh bantukte khan kan chuahtak ṭhan lai — zeihmanh lo tein. Zeicahtiah kan tuahmi vialte hi pakhat hmanh kan i kalpi khawh ding a um lo.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

1 KORIN 15:47

Adam pakhatnak cu vawlei dip in sermi a si, Adam pahnihnak tu cu vancung in a rami a si.

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

2 THESALON 3:10

Nan sin kan um lioah kan in chimhmi hna cu, “Ahohmanh rianṭuan a duh lomi cu ei awk zeihmanh pe hna hlah u,” ti a si.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.