GENESIS 3:14 - Lai (Hakha) Common Language Bible 2006

¹⁴ Cun Bawipa Pathian nih rul cu a thawh i, “Hi ruangah hin nangmah cu dantat na si; hi chiatsernak hi nangmah lawng nih na in lai. Atu thawk hin na paw in na lawn cang lai i na eimi rawl cu leidip a si lai.

GENESIS 3:14 ပူးပေါင်းရင်းမြစ်များ

GENESIS 3:1

Bawipa Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

GENESIS 4:11

Nangmah cu chiatserh na si cang i hi hmun hin ṭhawl na si lai. Hi hmun vawlei hi na nau thisen na chuahmi dolh awkah a kaa a rak angmi kha a si.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

SALM 72:9

Thetse ram mi kha a hmaiah an kun lai i a ral kha leidip lakah an bawk lai.

ISAIAH 29:4

Jerusalem cu vawlei tangin bia chim a hun zalmi muthla bantuk a si lai, leidip chungin a hung chuakmi aw dinte bantuk a si lai.

ISAIAH 65:25

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

LEVITIKAS 20:25

Cu caah nannih nih saram thiang le thianglo le va thiang le thianglo thleidannak nan ser lai; nannih nih nanmah lila cu saram in siseh, va in siseh, vawlei i a vakmi thil zeipaoh nannih nih a thianglo ah rel awk i ka thleidanmi hna in, fihnung ah nan i ser lai lo.

MIKAH 7:17

Rul bantukin leidip kha liak hna seh law Vawlei i a lawn in a lawnmi thilnung bantukin vawlei kha ei hna seh. Annih nih an ralhau chung khan ther lengmang le phang lengmang in hung chuak hna seh law nangmah cu in ṭih hna seh, Maw Bawipa kan Pathian.