GENESIS 29:33 - Lai (Hakha) Common Language Bible 2006
33 Fa a pawi ṭhan i a dang fapa a hrin ṭhan. “Kei cu dawt lomi ka si kha Bawipa nih a theih caah hi fapa hi a ka pek ṭhan,” a ti i cucaah a min ah Simeon a sak.
Aa thawh i, “Pathian nih laksawng ṭha ngaingai a ka pek. Atu cu fapa paruk ka hrinpiak cang caah ka vaa nih a ka khinhhramh cang lai,” a ti i cucaah a min ah cun Zebulun a sak.
Cu hnu ni thum, an zual ling te ah khin, Jakob fapa pahnih Simeon le Levi, Dinah ṭale nih khan, an nam an i lak riangmang i a thli tein khua chungah cun an lut i pa vialte kha an thah dih hna.
Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.
“Mipa pakhatkhat nih nupi pahnih a ngeih i pakhat cu a dawt i pakhat cu a dawt lo i, dawtmi he dawt lomi he fa an hrinpiak veve i fapa hrin hmasa bik cu dawt lomi i fapa a si ahcun,