GENESIS 29:31 - Lai (Hakha) Common Language Bible 2006

³¹ Bawipa nih Leah cu dawt lo deuh a si kha a hmuh tikah anih tu kha fa ngeih khawhnak a pek i Rachel kha cu fa ngei loin a um ko.

GENESIS 29:31 ပူးပေါင်းရင်းမြစ်များ

GENESIS 11:30

Sarai cu a cing i fa a ngei kho lo.

GENESIS 16:1

Abram cu a nupi Sarai nih fa zeihmanh a hrinpiak lo. Sarai nih cun Izipt mi salnu pakhat a ngei i a min ah Hagar a si.

GENESIS 25:21

Isak nupi cu fa a ngeih lo caah Isak nih cun Bawipa sinah thla a campiak. A thlacamnak cu Bawipa nih a leh i Rebekah cu fa a pawi.

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 29:30

Cucaah Jakob nih khan Rachel zong cu a ihpi i Leah nakkhan a dawt deuh. Laban cu a dang kum sarih a rianh ṭhan.

GENESIS 29:32

Leah cu fa a pawi i fapa a hrin. Aa thawh i, “Bawipa nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah Reuben a sak.

GENESIS 30:22

Cun Pathian nih Rachel kha a vun philh ve lo i a thlacamnak kha a leh i fa ngeih khawhnak a pek.

GENESIS 35:23

Leah fa ah Reuben, Jakob fapa upa bik, Simeon, Levi, Judah, Isakhar le Zebulun an si.

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

MALAKHI 1:3

Esau cu Jakob unau a si lo maw? tiah Bawipa nih a ti. Jakob cu ka dawt, sihmanhsehlaw Esau cu ka huat, a tlang ram hna cu pakpalawng ah ka ser hna i a hringsortu inn cu ramlak cenghngia tlonnak ah ka canter, a ti.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

LUKA 1:7

Elizabeth cu a cin caah fa pakhat hmanh an ngei lo. An pahnih in an tar ngaingai cang.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

JOHAN 12:25

Ahopaoh, a nunnak a dawmi nih cun a nunnak cu a thlau lai: hi vawlei cung i a nunnak a huami nih zungzal nunnak ah cun aa chiah lai.

LAMKALTU 7:8

Cun Pathian nih Abraham cu cuarpartannak phunglam kha biakamnak hmelchunhnak caah a pek i cucaah Abraham nih cun Isak kha a chuah hnu zarh khat ah a cuarpar kha a tan. Isak nih Jakob kha a tan ve i Jakob nih kan pupa hleihnih hna kha a vun tan ve hna.

DEUTERONOMI 21:15

“Mipa pakhatkhat nih nupi pahnih a ngeih i pakhat cu a dawt i pakhat cu a dawt lo i, dawtmi he dawt lomi he fa an hrinpiak veve i fapa hrin hmasa bik cu dawt lomi i fapa a si ahcun,

RUTH 4:13

Cucaah Boaz nih Ruth cu a lak i a nupi ah a cang; a theihhngalh i Bawipa nih fapawinak a pek i fapa a hrin.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.

1 SAMUEL 1:27

Hi ngakchia caah hin thla kha ka rak cam; cun Bawipa nih ka halnak kha a ka pek.

1 SAMUEL 1:5

cun Hannah cu a daw ko nain Hannah cu Bawipa nih a nau inn a kharpiak caah covo pakhat lawng kha a pek.

1 SAMUEL 2:21

Cun Bawipa nih Hannah cu a vung ven i fa a pawi i fapa pathum le fanu pahnih a hrin hna. Cun ngakchiapate Samuel cu Bawipa hmaika ah cun a ṭhang.