GENESIS 29:20 - Lai (Hakha) Common Language Bible 2006

²⁰ Rachel conak dingah cun Jakob nih khan kum sarih cu rian kha a ṭuan i asinain a dawt caah khan cu kum sarih cu ni tlawmte bantuk men ah khin a rel ko.

GENESIS 29:20 ပူးပေါင်းရင်းမြစ်များ

GENESIS 24:67

Cun Isak nih cun Rebekah cu a thlam ah aa luhpi i a nupi ah a cang. Isak nih cun Rebekah cu a dawt ngaingai i cucaah a nu thih hnuah Rebekah nih khan Isak cu a hna a ngamter ṭhan.

GENESIS 29:19

Laban nih cun, “Midang peknak cun nangmah pek cu ka duh deuh. Cucaah cun ka sinah cun um,” tiah a ti.

GENESIS 29:27

Nan i ṭhitnak puai zarh khat chung hi tlinter ko law cucu a dih in kum sarih na ka rianh rih dingah cun Rachel cu kan pek lai,” a ti.

GENESIS 29:30

Cucaah Jakob nih khan Rachel zong cu a ihpi i Leah nakkhan a dawt deuh. Laban cu a dang kum sarih a rianh ṭhan.

GENESIS 30:26

Kan rianh man i na ka pekmi ka nupi hna le ka fale hna hi ka pe hna law kal cang ning. Ṭha tein na rian kan ṭuanpiak cu nangmah nih na hngalh,” tiah a ti.

GENESIS 31:15

Kannih cu ramdang mi in pei a kan zoh ko cu. A kan zuar i kan man a hmuhmi vialte cu a hman dih.

GENESIS 34:19

Jakob fanu cu a duh ngaingai caah an chimmi cu khulrang in a tuah. A innchungkhar lakah amah cu biapi bik a simi a si.

HOSEA 12:12

Kan pu Jakob cu Aram ram ah khan a rak zam i Khika ah nupi ṭhitnak caah mi tuu kha a rak khal.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

1 KORIN 13:7

Dawtnak cu a lung a dong bal lo, zumhnak a ngei, ruahchannak a ngei, a lung a sau i a thin a fual.

2 KORIN 5:14

Mi vialte caah mi pakhat a thi i a thihnak ah cun mi vialte an thi ve ti kha kan hngalh caah Khrih nih kan ca i a ngeihmi dawtnak nih cun a kan uk.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

1 SAMUEL 18:23

Cun Saul sinum hna nih hi bia cu David hna theih ah an chim. Cun David nih, “Keimah bantuk misifak le aho zei rel a tong lomi caah hin, siangpahrang tupa si hi thil hmetuai ah dahra nan rel hi?” tiah a ti.