GENESIS 28:20 - Lai (Hakha) Common Language Bible 2006

²⁰ Cun Jakob nih Bawipa Pathian sinah cun chiatser in biakamnak a tuah i, “Atu ka khualtlawnnak ah hin na ka umpi i na ka huhphenh i rawl le hnipuan na ka pek i

GENESIS 28:20 ပူးပေါင်းရင်းမြစ်များ

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 31:13

Kei cu Bethel khua i na sin i a langmi Pathian kha ka si, Bethel khua cu rolung pakhat chiti na toih i keimah sinah biakamnak na sernak khua kha a si. Cucaah atu cu i tim law na chuahkehnak ram i kal awkah hi ram hin chuak tuah’ a ka ti,” tiah a ti hna.

GENESIS 35:3

Hika hmun hi kan chuahtak lai i Bethel ah kan kal lai, cuka ah cun harnak ka in caan le khuazeika ka kalnak hmanh i a ka umpitu Pathian caah khan biakṭheng pakhat ka ser lai,” a ti hna.

2 SAMUEL 15:8

Zeitintiah na sal nih Aram ram Geshur i ka um lioah biahrennak pakhat ka rak tuah i, ‘Bawipa nih Jerusalem ah a ka kirpi taktak ahcun, Bawipa sinah biaknak ka pekchanh lai,’ tiah ka rak ti,” tiah a ti.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

SALM 116:14

A mi vialte an i pumhnak ah khan bia kaa kammi kha ka pek lai.

SALM 116:18

Na mi vialte an i pumhnak, Jerusalem khua na Biakinn tual ah cun, na sinah bia kaa kammi kha kan pek lai. Bawipa cu thangṭhat u!

SALM 119:106

Na ka cawnpiaknak a dingmi, ka zulh hna lai tiah bia kaa kammi kha, ka zulh taktak hna lai.

SALM 132:2

Bawipa, bia aa kammi kha philh hlah, Israel Pathian Lianngan Bik, na sinah chiat aa serhmi kha philh hlah.

SALM 22:25

Aa pummi dihlak hmaiah, nangmah cu na tuahmi ruangah kan thangṭhat lai; nangmah nawl zulmi an dihlak hmaiah kaa kammi raithawinak kha kan pekchanh lai.

SALM 56:12

Pathian, na sinah ka rak i kammi kha kan pek lai, thangṭhat thawinak cu kan pek lai,

SALM 61:5

Maw Pathian, nangmah nih bia kaa kammi kha na theih i nangmah an upatmi hna ro kha na ka pek.

SALM 61:8

Cucaah ni khat hnu ni khat, na sinah bia kaa kammi ka tlinter pah in nangmah thangṭhatnak cu hla in ka sa zungzal lai.

SALM 66:13

Na inn ah khangh thawinak kha ka rak put lai; bia kaa kammi kha kan pek lai.

SALM 76:11

Kan in pek lai tiah nan i kammi kha Bawipa nan Pathian cu pe u; kan pawngkam i a ummi miphun hna, Bawipa cu laksawng ra pe u. Pathian nih minung cu amah ṭih dingin a ser hna,

ISAIAH 19:21

Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

JOHAN 1:16

A liam in a liammi a vel chung cun thluachuahnak kha pakhat hnu pakhat a kan pek lengmang.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

1TIMOTE 6:8

Cu bantukin hi vawlei in kan kal tik zongah zeihmanh kan i kalpi kho lai lo. Cucaah cun rawl le fenh-aih kan ngeih ahcun cucu kan i zat awk a si ko.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

1 SAMUEL 1:28

Cucaah Bawipa kha amah cu ka hlanh cang; a nun chung vialte amah cu Bawipa sinah hlanh a si,” tiah a ti. Cun khika ah Bawipa kha an biak.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.