GENESIS 27:29 - Lai (Hakha) Common Language Bible 2006

²⁹ Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

GENESIS 27:29 ပူးပေါင်းရင်းမြစ်များ

GENESIS 12:3

Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

GENESIS 25:33

Cun Jakob nih cun, “Na fater sinak cu kan pek hrimhrim lai tiah bia i kam hmasa,” a ti. Esau nih cun biakamnak cu a ser i a fater sinak cu Jakob sinah cun a zuar.

GENESIS 27:30

Isak nih a thluachuahnak a pek cu a lim i Jakob cu a kal kate ah khin, a u Esau kha a ram vaihnak cun a rung tlung.

GENESIS 27:37

Isak nih cun Esau cu a leh i, “Amah cu nangmah bawi ah ka ser cang i a rualchan vialte cu a sal ah ka ser cang hna. Rawl le mitsur zu kha ka pek cang. Na ca i ka tuah khawh ding zeidah a tang ti i, ka fapa?” a ti.

GENESIS 27:40

Na vainam in na nung lai i na nau sinum na si lai. Asinain na doh ve tikah Na hngawng i a hngawngkual cu na khiah lai,” a ti.

GENESIS 37:10

A mang cu a pa le a unau pawl kha a chimh hna i a pa nih cun a sik i, “Zei bantuk mang dah na manh? Na nu le na unau pawl le keimah hi na sinah ra in na hmaiah an kun lai tiin maw na ruah?” a ti.

GENESIS 37:7

Lo pakhat ah hin kan dihlak in kan um i faphal kan tom len ko. Cu lioah cun ka faphal cu a tho i ding tein a dir. Cun nannih nan faphal hna nih khan an kulh i a hmaiah an kun,” a ti.

GENESIS 9:27

Pathian nih Jafeth cu karhter seh law A tefa hna cu Shem tefa hna he um ṭi hna seh. Kanaan cu Jafeth sal a si lai,” a ti.

1 SIANGPAHRANG 22:47

Edom ram ah cun siangpahrang an um lo; a ai awhtu cu siangpahrang a si ko.

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

1 CHANRELNAK 5:2

Judah cu a unau hna lakah a ṭhawngmi a hung si i amah chungin bawi a hung chuak nain, fater sinak tu cu Josef ta a si ko),

SALM 72:8

A penmi ram cu rili pakhat in rili pakhat tiang a si lai i Zufrates tiva in vanhramdeng tiang a si lai.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 60:12

Sihmanhsehlaw na rian an ṭuanpiak duh lomi miphun hna cu hrawh cikcek an si lai.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

NAMBAR 24:18

Israel vial cu ral ha ngaiin an um lioah, Edom cu pawnchuah a si lai, Seir, a ral hna zong cu, pawnchuah a si ve lai.

NAMBAR 24:9

A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.