GENESIS 27:1 - Lai (Hakha) Common Language Bible 2006

¹ Isak cu a tar cang i a mit khua a hmu ti lo. A fapa upa deuh Esau kha a auh i, “Ka fapa,” tiah a ti i, Esau nih, “Hawi,” a ti.

GENESIS 27:1 ပူးပေါင်းရင်းမြစ်များ

GENESIS 25:33

Cun Jakob nih cun, “Na fater sinak cu kan pek hrimhrim lai tiah bia i kam hmasa,” a ti. Esau nih cun biakamnak cu a ser i a fater sinak cu Jakob sinah cun a zuar.

GENESIS 48:10

Israel cu a tar cang caah a mit khua a hmu kho set ti lo. Josef nih a pawngah cun a hei kalpi hna i a rak pom hna i a rak hnamh hna.

1 SIANGPAHRANG 14:4

Jeroboam nupi nih cu bang cun a tuah; a tho i Shiloh ah a kal i Ahijah inn kha a va phan. Ahijah cu khua a hmu kho ti lo, zeicahtiah a kum a upa cang i a mit khua a hmu ti lo.

PHUNGCHIMTU 12:3

Khi tikah himnak an pe tawntu na ban kha an ther lai i atu i a ṭhawngmi na khuk cu an der lai. Na rawl khainak ding caah na ha cu an tlawm tuk lai i na mit cu an muih lai caah fiang tein khua na hmu kho lai lo.

JOHAN 9:3

Jesuh nih cun, “A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.

DEUTERONOMI 34:7

Moses cu a thih ah, kum za le kum kul a si; a mit a mui lo i a thazang zong a ṭum lo.

1 SAMUEL 3:2

Cun khi caan lioah, a mit khua hmuh lo hram aa thawk cang caah khua a hmu kho set ti lomi Eli cu amah hmun ah khan a it;