GENESIS 26:31 - Lai (Hakha) Common Language Bible 2006

³¹ A thaizing cu zingka tein an tho i chiatser in biakamnak cu an tuah veve. Isak nih, dam tein va kal cang u, a ti hna i a sinin dai tein an i ṭhen.

GENESIS 26:31 ပူးပေါင်းရင်းမြစ်များ

GENESIS 14:22

Sihmanhsehlaw Abram nih cun a leh i, “Van le vawlei a sertu Cung Nung Bik Pathian hmaiah chiatser tein bia kaa kam i,

GENESIS 19:2

“Ka bawipale hna, nan salpa inn ah ra lut tuah u law ka tlung tuah u. Nan ke kha i ṭawl u law tuzan cu riak u. Thaizing ah nan tho lai i nan kal duhnak ah cun nan kal chin te lai,” a ti hna. Sihmanhsehlaw annih nih, “A si lo, khualai ah hin kan riak ko lai,” tiah an leh.

GENESIS 21:14

A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter i a kalter hna. Hagar cu Beer-sheba ramlak ah khan a vai lengmang.

GENESIS 21:23

Cucaah cun keimah siseh ka fale si hna seh ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le na umnak ram cungah hin zumhawktlak na si nakhnga bia i kam,” a ti.

GENESIS 21:27

Cun Abraham nih Abimelek cu tuu le caw tlawmpal a pek i an pahnih in biakamnak an ser.

GENESIS 22:3

A thaizing cu zingka tein Abraham nih a laa kha a dan a danh i Isak le a sinum pahnih hna he tiah an kal. Thawinak ding caah cun thing tlawmpal a hlam i Bawipa nih a chimhmi hmun leiah khan kal aa thawh.

GENESIS 25:33

Cun Jakob nih cun, “Na fater sinak cu kan pek hrimhrim lai tiah bia i kam hmasa,” a ti. Esau nih cun biakamnak cu a ser i a fater sinak cu Jakob sinah cun a zuar.

GENESIS 26:32

Cu ni ah cun Isak cu a salle nih tikhor an cawhmi kong cu an ra chimh. “Ti kan hmuh cang,” tiah an ti i

GENESIS 31:44

Biakamnak tu ser u si law cu bia kan i kammi kan lung a kan pem tawntu ah lungpumh pakhat ser u sih,” a ti.

GENESIS 31:55

A thaizing cu zingka tein Laban nih khan a tu tete hna le a fanu hna cu dam tein vaa kal cang u tiin a hnamh hna i aa thawh i inn leiah a kir.

HEBRU 6:16

Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 30:15

Cun David nih amah cu, “Hi bu sinah hin na vun ka kalpi lai maw?” tiah a ti. Cun anih nih, “Kan that lai lo, cun na bawipa sinah kan pe ṭhan lai lo, tiin Pathian min in ka sinah chiat ser law, hi bu sinah hin ka vun in kalpi ko lai,” tiah a ti.