GENESIS 26:28 - Lai (Hakha) Common Language Bible 2006

²⁸ Annih nih cun, “Atu cu Pathian nih an umpi kha kan hngalh i nangmah le kanmah karlak ah biakamnak a fekmi a um awk a herh tiah kan ruah.

GENESIS 26:28 ပူးပေါင်းရင်းမြစ်များ

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

GENESIS 24:41

Hihi na tuah ahcun, chiat kan sertermi hin na luat lai, cun ka rualchan hna sinah na va kal i an in pek duh lo ahcun, chiat kan sertermi khan na luat ṭhiamṭhiam lai,’ a ka ti.

GENESIS 31:44

Biakamnak tu ser u si law cu bia kan i kammi kan lung a kan pem tawntu ah lungpumh pakhat ser u sih,” a ti.

GENESIS 39:3

Bawipa nih Josef cu a umpi i zei a tuahnak hmanh ah Bawipa nih a tlam a tlinter ti kha a bawipa nih cun a hmuh.

GENESIS 39:5

Cu thawk cun Josef ruangah khan Bawipa nih cun Izipt mipa innchungkhar cu thluachuah a pek hna. A inn chung i a ngeihmi thil si hna seh, a lo chung i a ngeihmi thil si hna seh. Bawipa nih cun thluachuah a pek hna.

2 CHANRELNAK 1:1

David fapa Solomon cu a ram chungah khan fek tein a um i Bawipa a Pathian cu a sinah khan a um i fak piin a nganter.

2 CHANRELNAK 15:9

Cun Judah mi vialte le Benjamin mi vialte le Efraim, Manasseh le Simeon in a rami an sin i a pummi hna kha a pumh hna, zeitintiah Bawipa a Pathian kha a sinah a um ti an hngalh tikah Israel ram in mi tampi amah sinah khan an zam.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

1 KORIN 14:25

A lungchung in a thli tein a ruahmi thil kha an hung lang lai i kun in Pathian kha a biak lai i, “Nan sinah hin Pathian a um taktak,” a ti lai.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

HEBRU 6:16

Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

JOSHUA 3:7

Cun Bawipa nih Joshua cu a chawnh i, “Nihin ah hin nangmah cu Israel mi vialte mithmuh ah hlorh hram kan thawk lai, zeitintiah annih nih, Moses sinah ka rak um bang khan, nangmah sinah ka um ve lai, ti kha an hngalh nakhnga.

1 SAMUEL 11:1

Khi caan ah Ammon mi Nahash cu a hung kal i Jabesh-gilead kha a dum; cun Jabesh-gilead khuami vialte nih cun, “Kanmah he biahrennak ser law, na rian kan ṭuan lai,” tiah an ti.

1 SAMUEL 18:28

Sihmanhsehlaw Saul nih Bawipa kha David sinah a um ti le Israel mi vialte nih an duh ti kha a hmuh i a hngalh tikah,