GENESIS 25:34 - Lai (Hakha) Common Language Bible 2006

³⁴ Cun Jakob nih changreu le pehang a pek i a ei a din hnuah a tho i a kal. Fater a sinak kha Esau nih cun zei ah a rel lo.

GENESIS 25:34 ပူးပေါင်းရင်းမြစ်များ

GENESIS 25:29

Ni khat cu Jakob kha pehang a rak chuang i cu lioah cun Esau kha ram vaihnak in a ra tlung.

GENESIS 25:33

Cun Jakob nih cun, “Na fater sinak cu kan pek hrimhrim lai tiah bia i kam hmasa,” a ti. Esau nih cun biakamnak cu a ser i a fater sinak cu Jakob sinah cun a zuar.

GENESIS 26:1

Mangṭam a dang a tlung ṭhan, Abraham chan i hlan deuh i a tlungmi hleiah khan. Cucaah cun Isak cu Filistin mi Siangpahrang Abihmalek sin Gerar khua ah a va kal.

GENESIS 27:32

Isak nih cun, “Ahodah na si?” tiah a ti. “Na fapa upa deuh Esau ka si,” tiah a leh.

SALM 106:24

Ram nuam kha zeirello in an um i bia a kamhmi hna kha an zum lo;

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

ZEKHARIAH 11:13

Bawipa nih a ka thawh i, “Tangka chiahnak chungah khan hlonh tuah hna,” a ka ti. Cun ka man caah a za ti i an tuakmi tangka ngun phar sawm thum cu ka lak i Bawipa inn chungah khan, tangka chiahnak chungah khan ka hlonh hna, cu tangka cu na man lo, tiah an ka hlawt.

MATTHAI 22:5

Sihmanhsehlaw a sawmmi hna nih khan zeihmanh ah an rak rel lo i a cheu cu an lo ah an kal, a cheu cu an chawdawr ah an kal,

MATTHAI 26:15

“Jesuh cu nan kut chung i kan chanh hna ahcun zeidah nan ka pek lai?” tiah a va ti hna. Cucaah ngun tangka sawm thum kha an rel i an pek.

LAMKALTU 13:41

‘Nannih mi nihsawh hmangmi hna, Zohhmanh u, nan khuaruahhar u law thi ko u. Zeicahtiah nanmah nan chan hrimhrim ah ka tuahmi rian hi Nannih nih nan zumh lai lomi thil, midang nih a sullam an in chimh hna hmanh ah nan zumh duh lai lomi a si,’ tiah an chimmi bia hi nan cungah tlunter hlah u,” tiah a ti hna.

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”