GENESIS 25:21 - Lai (Hakha) Common Language Bible 2006

²¹ Isak nupi cu fa a ngeih lo caah Isak nih cun Bawipa sinah thla a campiak. A thlacamnak cu Bawipa nih a leh i Rebekah cu fa a pawi.

GENESIS 25:21 ပူးပေါင်းရင်းမြစ်များ

GENESIS 11:30

Sarai cu a cing i fa a ngei kho lo.

GENESIS 16:2

Sarai nih cun Abram cu a thawh, i, “Zohhmanh, kei cu Bawipa nih fa ngeih a ka sianh lo. Cucaah cun zeicahdah ka salnu hi na ihpi ko lo? Fa a hei ka hrinpiak ko hnga dah kaw,” tiah a ti.

GENESIS 30:22

Cun Pathian nih Rachel kha a vun philh ve lo i a thlacamnak kha a leh i fa ngeih khawhnak a pek.

1 CHANRELNAK 5:20

cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna.

2 CHANRELNAK 33:13

Amah sinah khan thla a cam i Pathian nih a nawlnak kha a cohlan i a thlacamnak kha a theih i amah ram Jerusalem ah khan a kirpi ṭhan. Khi tikah Manasseh nih Bawipa cu Pathian a si kha a hngalh.

EZRA 8:23

Cucaah cun rawl kan ul i kan Pathian cu kan hal i kan nawlnak cu a kan ngaihpiak.

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.

SALM 145:19

Amah a ṭihmi paoh cu an herhmi vialte kha a pek hna i an aunak kha a theih i a khamh hna.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

PHUNGTHLÛKBIA 10:24

Miṭhalo cu a ṭihmi thil kha a cungah a tlung lai, sihmanhsehlaw miding nih cun a saduhthah kha a co lai.

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

LUKA 1:7

Elizabeth cu a cin caah fa pakhat hmanh an ngei lo. An pahnih in an tar ngaingai cang.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

1 SAMUEL 1:17

Cun Eli nih a leh i, “Dai tein va kal ko, Israel mi Pathian nih amah na halmi cu in pe ko seh,” tiah a ti.

1 SAMUEL 1:2

Nupi pahnih a ngei, pakhat min cu Hannah a si i a dang pakhat min cu Peninnah a si. Cun Peninnah cu fa a ngei, sihmanhsehlaw Hannah cu fa a ngei lo.

1 SAMUEL 1:27

Hi ngakchia caah hin thla kha ka rak cam; cun Bawipa nih ka halnak kha a ka pek.