GENESIS 24:7 - Lai (Hakha) Common Language Bible 2006

⁷ Vancung Pathian Bawipa nih, ka pa inn le ka sahlawh le ka rualchan vialte hna sinin a ka chuahpi i, hi ram hi na tefa ka pek hna lai, tiah chiatser tein bia a ka kam. A vancungmi kha na hmaiah a thlah lai i cuka ah cun ka fapa caah nupi ding na va hmuh ko lai.

GENESIS 24:7 ပူးပေါင်းရင်းမြစ်များ

GENESIS 13:15

na hmuhmi ram vialte kha nangmah le na tefa cu kan pek hna lai i a zungzal in nan ta a si lai.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 16:7

Bawipa vancungmi nih Hagar cu Shur lei kalnak lam i a ummi cerhti, thetse rawn cerhti ah khan a ton i,

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

GENESIS 21:17

Pathian nih ngakchiapa a ṭah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a ṭah kha a theih cang.

GENESIS 22:11

Bawipa vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

GENESIS 24:40

A ka leh i, ‘Amah nawl ka ngaih zungzalmi Bawipa nih a vancungmi kha na sinah a kalter lai i na hlawh a tling ko lai. Ka mi hna sinin, ka pa chungkhar hna sinin ka fapa cu nupi na va hmuhpiak ko lai.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

SALM 136:26

Vancung Pathian hi lawm tuah u, a dawtnak cu zungzal in a hmun. a dawtnak cu zungzal in a hmun.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

EXODUS 13:5

Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram ṭha a si. Cu ram chung an phakpi hna tikah hi thla ṭhiamṭhiam ah hin hi phunglam hi nan ulh lai.

EXODUS 32:13

Na sal Abraham le Isak le Israel kha philh hna hlah law, an sinah na min chalh in chiatser in bia naa kam i, ‘Van i a ummi arfi zat khin tefa kan pek hna lai. Kan kamhmi hna ram hi a dihlak in nan tefa kha ka pek hna lai i anmah ta zungzal in a si lai,’ na timi zong kha philh sawh hlah,” a ti.

EXODUS 33:2

Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka ṭhawl hna lai.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

NAMBAR 11:12

Hi mi vialte hi ka rak pawi hna maw? ‘Nau cawnghramtu nih nau hnuktlai lio a cawi bangin na ṭang ah cawi hna law, an pupa hna sinah pek awkin chiat ka sermi ram ah kalpi hna,’ na ti cu keimah nih maw ka hrin hna?

NAMBAR 14:16

‘Bawipa nih hi mi hna hi chiatser tein a kamhmi hna ram ah khan a luhpi khawh hna lo caah ramcar chungah a thah hna,’ an ti lai.

NAMBAR 14:30

Jefunneh fapa Kaleb le Nun fapa Joshua dah ti lo cu, kan umter hna lai ti i chiat ka sermi ram ah khan pakhat hmanh nan lut lai lo.

NAMBAR 32:11

‘Izipt ram in a chuakmi, kum kul in a cunglei paohpaoh nih, an ka zulh taktak lo caah, Abraham, Isak, le Jakob sinah pek awk i chiat ka sermi ram cu an hmu hrimhrim lai lo;

LAMKALTU 7:5

Cu lioah cun hi ram hi a pelpawite hmanh Abraham cu a rak pe lo, pe khat taktak hmanh a rak pe lo; sihmanhsehlaw Pathian nih bia a kam i hi ram hi nangmah kan pek lai i nangmah le na hnu i a rung um ding na tefa hna ta a si lai, tiah a ti. Cu biakamnak Pathian nih a rak pek lioah hin Abraham cu fa zeihmanh a ngei lo.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 34:4

Cun Bawipa nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 11:9

Pathian nih a kamhmi ram chungah khan zumhnak in ramdangmi bantukin khua a sa. Isak le Jakob he tiah thlam chungah khan khua an sa i cu hna zong cu Pathian biakamnak a hmumi an si ve.

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

JOSHUA 24:3

Cun nan pa Abraham kha Tiva ral khan ka lak i Kanaan ram chung dihlak ah ka hruai i a tefa cu tampi ah ka ser hna. Isak kha ka pek i

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIACEIHTU 2:1

Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i