GENESIS 24:12 - Lai (Hakha) Common Language Bible 2006

¹² Cun thla a cam i, “Bawipa, ka bawipa Abraham i a Pathian, nihin ah hin hlawhtlinnak ka pe law ka bawipa sin i bia na kammi kha hmunhter ko.

GENESIS 24:12 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 24:21

Bawipa nih ka khualtlawnnak ah hin hlawhtlinnak a ka pe maw pe lo tiin mipa nih khan Rebekah cu dai tein a zoh ko.

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 24:42

“Cun nihin i tikhor ka ra phak ah khan thla ka cam i, Bawipa, ka bawipa Abraham i Pathian, ka khualtlawnnak ah hin nangmah nih thluachuahnak ka pe ko.

GENESIS 24:48

Ka khuk kaa bil i Bawipa kha ka biak, cun lam ṭha tein a ka hruaitu Pathian, ka bawipa Abraham i a Bawipa kha ka thangṭhat. Amah nih cun ka bawipa i a unau inn ah hin a ka hruai i a fanu kha ka Bawipa fapa caah cun ka hmuh cang.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 27:10

Na pa cu na hei chanh lai i a ei lai i a thih hlanah a thluachuahnak kha an pek lai,” a ti.

GENESIS 27:20

Isak nih cun, “Zeitindah cu tluk khulrang in na hmuh khawh, ka fapa?” tiah a ti i Jakob nih, “Bawipa na Pathian nih a ka bawmh caah a si,” tiah a leh.

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

GENESIS 32:9

Cun Jakob nih khan thla a cam i, “Ka pu Abraham Pathian le ka pa Isak Pathian, ka thlacamnak hi ka theihpiak tuah. Bawipa, nangmah nih na ka thawh i, ‘Na ram le na rualchan hna sinah kir law na caah thil cu tluang tein ka umter ko hna lai; na ka ti.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

2 SIANGPAHRANG 2:14

Cun a rung tlami Elijah puan kha aa lak i ti kha a tuk i, “Bawipa, Elijah i Pathian cu khuazei ah dah a um?” tiah a ti. Cun ti kha a tuk tikah, ti cu a sumlei le a hnalei ah an i ṭhen i Elisha cu va ral ah a kai.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

SALM 118:25

Kan khamh tuah, Maw Bawipa kan khamh tuah. Bawipa, thluachuahnak kan pe ko!

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 37:5

Na nunnak kha Bawipa pe tuah, amah kha i bochan law amah nih an bawmh lai.

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

MATTHAI 22:32

‘Kei cu Abraham Pathian, Isak Pathian, Jakob Pathian ka si,’ tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si,” tiah a ti.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.