GENESIS 22:8 - Lai (Hakha) Common Language Bible 2006

⁸ Abraham nih cun, “Pathian nih a khan te ko lai, ka fapa,” tiah a leh i cuticun an pahnih cun hmunkhat ah an kal lengmang.

GENESIS 22:8 ပူးပေါင်းရင်းမြစ်များ

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

GENESIS 22:14

Abraham nih cu hmun cu, “Bawipa nih a khaan ko,” tiah min a sak i atu chan tiang zongin mi nih, “Bawipa tlang cungah cun Bawipa nih a khaan ko,” an ti tawn.

GENESIS 22:7

Isak nih khan a pa cu, “Ka pa,” tiah a ti i a pa nih cun, “Hawi, ka fapa,” tiah a leh. Isak nih cun, “Mei le thing cu an um, sihmanhsehlaw khanghthawinak ca ding tuufa tah khuazei ah dah a si kun?” a ti.

GENESIS 22:9

Bawipa nih a chimhmi hmun kha an phak tikah, Abraham nih biakṭheng pakhat a ser i a cungah thing kha a chiah. A fapa cu a ṭem i biakṭheng cung thing cungah cun a chiah.

2 SIANGPAHRANG 2:6

Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.

2 CHANRELNAK 25:9

Cun Amaziah nih Pathian mi cu a thawh i, “Sihmanhsehlaw Israel ralkapbu ka pek cangmi talen za khat tluk cu zeitindah ka tuah kun lai?” tiah a ti. Pathian mi nih cun a leh i, “Mah hi nak hin tam deuh pei Bawipa nih cun an pek khawh cu,” tiah a ti.

MATTHAI 19:26

Jesuh nih dengteo in a vun zoh hna i, “Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko,” tiah a leh hna.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 1:36

Johan nih cun a hei zoh i, “Pathian Tuufa khi zohhmanh u,” tiah a ti.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 5:12

fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.