GENESIS 22:2 - Lai (Hakha) Common Language Bible 2006

² Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

GENESIS 22:2 ပူးပေါင်းရင်းမြစ်များ

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 21:12

Sihmanhsehlaw Pathian nih Abraham cu a thawh i, “Ngakchiapa le na sal Hagar kongah lungrethei in um hlah. Sarah nih an chimhmi paoh cu tuah ko, zeicahtiah tefa kan kamhmi cu Isak chung hin an chuak lai.

GENESIS 21:3

Abraham nih a min ah Isak a sak.

GENESIS 22:12

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

GENESIS 22:16

“Keimah nih keimah min hrimhrim in biakamnak ka ser lai — hihi Bawipa chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

GENESIS 22:3

A thaizing cu zingka tein Abraham nih a laa kha a dan a danh i Isak le a sinum pahnih hna he tiah an kal. Thawinak ding caah cun thing tlawmpal a hlam i Bawipa nih a chimhmi hmun leiah khan kal aa thawh.

GENESIS 22:9

Bawipa nih a chimhmi hmun kha an phak tikah, Abraham nih biakṭheng pakhat a ser i a cungah thing kha a chiah. A fapa cu a ṭem i biakṭheng cung thing cungah cun a chiah.

GENESIS 8:20

Noah nih Bawipa caah biakṭheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakṭheng cungah cun a khangh hna.

2 SIANGPAHRANG 3:27

Khi tikah amah hmun ah bawi a si ding a fapa upa bik kha aa lak i ralhau cungah cun khangh thawinak caah a thawi. Cu tikah Israel mi hna cu an thin a hung ngaingai i amah sin cun anmah an ram lei ah khan an kir ṭhan.

2 CHANRELNAK 3:1

Cun Solomon nih Jerusalem khua chung Moriah Tlang, a pa David sin i Bawipa a langhnak, David nih a timhtuahmi phuhri, Jebus mi Ornan ta a simi ah khan Bawipa inn cu sak hram a thawk.

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

HEBRU 11:17

Pathian nih Abraham cu a hneksak tikah, a fapa Isak kha raithawinak ah a pekchanhtertu cu zumhnak a si. Pathian nih bia a kamhmi cu Abraham kha a si, sihmanhsehlaw a fapa ngeihchunte pakhat kha raithawinak i pekchanh awkah aa tim kho ko.

BIACEIHTU 11:31

Ammon mi hna sinin teinak he ka kir tikah keimah don awkah ka inn innka chungin a chuakmi paoh cu Bawipa ta a si lai i khangh thawinak caah ka pekchanh lai,” tiah a ti.

BIACEIHTU 11:39

Cun thla hnih donghnak ah a pa sinah a ra kir i biakamnak a ser ciami ning khan a cungah a tuah. Zeitikhmanh ah pa a hngal bal lo. Cun Israel mi hna lakah phung ah a cang i