GENESIS 22:17 - Lai (Hakha) Common Language Bible 2006

¹⁷ Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 22:17 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 17:6

Tefa tampi kan pek lai i a cheu cu siangpahrang an si lai. Na tefa cu an tam tuk hringhran lai caah miphun phun ah an i chuah lai.

GENESIS 24:60

Cun Rebekah cu thluachuah an pek i, “Kan farnu, nang cu mi thong tampi nu ah va cang law, Na tefa hna nih khan an ral hna khuapi kha tei hna seh,” an ti.

GENESIS 25:11

Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 28:3

Lianngan Bik Pathian nih na nupi ṭhitnak ah cun thluachuah in pe seh law fa tam piin in pe seh law miphun tampi hna pa ah in ser seh.

GENESIS 28:4

Abraham thluachuah a pek bantuk khan nangmah le na tefa hna cu thluachuah in pe hna seh law, atu i na umnak ram, Pathian nih Abraham a pekmi ram hi nangmah ta si seh,” a ti.

GENESIS 32:12

‘Na caah thil cu tluang tein ka umter ko hna lai i tefa kan pek lai i an tam tuk ah a rel in rel cawk an si lai lo, rili kam thetse zat khi an si lai,’ tiin bia na ka kammi kha philh sawh hlah,” a ti.

GENESIS 32:13

Cuka i zan khat a riah hnuah a ngeihmi chungin hi thil hna hi a u Esau laksawng ding caah a thim hna:

2 SAMUEL 17:11

Cucaah kei ka ruahnak cheuhmi cu hitin a si: Israel mi vialte cu Dan in Beersheba tiang nangmah sinah kan pumh hna lai, an tam ning rilikam thetse zat in, cun nangmah zong na pum in raldohnak hmun ah cun na kal ve lai.

1 SIANGPAHRANG 4:20

Judah le Israel mi hna cu rilikam i thetse zat khin an tam; an ei an ding i an i lawm.

1 SIANGPAHRANG 9:26

Siangpahrang Solomon nih, Edom ram chung, Rili Sen kam khua Eloth pawng i a ummi Ezion-geber khua ah khan sangphawlawng phu khat a ser.

1 CHANRELNAK 27:23

David nih kum kul toi kha cu a rel hna lo, zeicahtiah Bawipa nih Israel cu van i arfi zat ah khin ka ser lai tiah bia a kam cang.

2 CHANRELNAK 1:9

Maw Bawipa Pathian, ka pa David sinah bia na rak kammi cu atu ah hin tlinter ko, zeitintiah keimah cu vawleicung leidip zat in a tammi miphun hna cungah hin siangpahrang ah na ka ser cang.

NEHEMIAH 9:23

An tefa hna cu van i arfi zat khin na karhter hna i an pupa hna cu, “Va lut u law va co u,” tiah na rak timi hna ram chungah khan na luhpi hna.

EXODUS 32:13

Na sal Abraham le Isak le Israel kha philh hna hlah law, an sinah na min chalh in chiatser in bia naa kam i, ‘Van i a ummi arfi zat khin tefa kan pek hna lai. Kan kamhmi hna ram hi a dihlak in nan tefa kha ka pek hna lai i anmah ta zungzal in a si lai,’ na timi zong kha philh sawh hlah,” a ti.

ISAIAH 48:19

Nan tefa cu rili kam thetse zat in an tam hnga i zeitikhmanh i rawk kho lo dingin ka ser hna hnga,” a ti.

JEREMIAH 32:22

Cun an pupa hna sinah chiatser in na kammi hi ram, khuaihliti le cawhnuk in a luangmi ram hi annih cu na pek hna.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

HOSEA 2:1

Na ṭa Ammi le na far Ruhamah cu chim hna law

MIKAH 1:9

Samaria cu a hma kha a dam kho ti lo; Judah zong cu bantuk hma cu a ing ve lai; Rawhralnak cu ka mi an umnak Jerusalem khua kutka kha a phan cang.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

1 KORIN 15:57

Asinain kan Bawipa Jesuh Khrih thawngin teinak a kan petu Pathian cu thangṭhat si ko seh.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

DEUTERONOMI 1:11

Bawipa, nan pupa hna Pathian nih cun, atu nakin a let thong khat in in karhter hna seh law, thluachuah in pe hna seh, bia an kam hna bang khan!

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 13:17

A zarhmi thil vialte cu pakhat hmanh nan kut in nan tawng lai lo; zeitintiah Bawipa nan Pathian aw cu nan ngaih i nihin ah kan pekmi hna a nawlbia vialte nan zulh i Bawipa nan Pathian mithmuh ah a dikmi kha nan tuah ahcun,

DEUTERONOMI 13:18

a thinhunnak ṭihnung khan aa mer lai i zaangfahnak kha an pek hna lai i nan pupa hna sinah chiat a ser bang khan a vel kha a karhter lai.

DEUTERONOMI 21:19

a nu le a pa nih an tlaih lai i a khuachung upa hna sinah, a umnak khua hauka ah cun an chuahpi lai,

HEBRU 11:12

Mithi bantuk a si ko cang nain, hi mipa pakhat chung hin, van i arfi zat a simi le rili kam i rel cawk lo thetse zat tefa kha an chuak.

HEBRU 6:14

“Nangmah cu thluachuahnak kan pek lai i tefa tampi kan pek lai tiah bia kan kam,” tiah a ti.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.