GENESIS 22:14 - Lai (Hakha) Common Language Bible 2006

¹⁴ Abraham nih cu hmun cu, “Bawipa nih a khaan ko,” tiah min a sak i atu chan tiang zongin mi nih, “Bawipa tlang cungah cun Bawipa nih a khaan ko,” an ti tawn.

GENESIS 22:14 ပူးပေါင်းရင်းမြစ်များ

GENESIS 22:13

Abraham cu khua a hei hoi i tuukawng pakhat burbuk lak i a ki in a rak taan ko kha a hmuh. A hei fuh i a va lak i a fapa can ah khanghthawinak ah cun a thawi.

GENESIS 22:15

Bawipa vancungmi nih Abraham cu vancung in a voi hnihnak a run kawh ṭhan i,

GENESIS 22:8

Abraham nih cun, “Pathian nih a khan te ko lai, ka fapa,” tiah a leh i cuticun an pahnih cun hmunkhat ah an kal lengmang.

GENESIS 28:19

Cu hmun cu a min ah Bethel a sak. (Cu hlanah cun cu khua cu a min ah Luz rak ti a si).

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

1 SIANGPAHRANG 17:8

Cun Bawipa bia cu amah sinah a ra i,

EXODUS 17:15

Moses nih biakṭheng pakhat a ser i a min ah, “Bawipa cu ka hmelchunhnak puanzar a si,” a ti.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

MIKAH 4:10

Nau nganfah a ing liomi nu bantukin vawlei ah i ngerh len tuah, Maw Zion fanu; Zeicahtiah atu cu hi khuapi hi na kaltak lai i ramlak ah na riak lai; Cuticun Babilon ah na ra lai. Khika ah khin khamh na si lai i khika ah khin Bawipa nih na ral hna kut chungin an luatter lai.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

BIACEIHTU 6:24

Cun khika ah Gideon nih Bawipa caah biakṭheng pakhat a ser i ‘Bawipa cu daihnak a si’ tiah min a sak. Nihin ni tiang hin Abiezer mi hna ta a simi Ofrah khua ah cun a um ko.

1 SAMUEL 29:10

Cucaah cun nangmah sinah a rami na bawipa i a sal hna he khan zingka tein tho law, cun zing tein i thawh u law khua a dei cangka tein kal u,” tiah a ti.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.