GENESIS 22:11 - Lai (Hakha) Common Language Bible 2006

¹¹ Bawipa vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

GENESIS 22:11 ပူးပေါင်းရင်းမြစ်များ

GENESIS 16:7

Bawipa vancungmi nih Hagar cu Shur lei kalnak lam i a ummi cerhti, thetse rawn cerhti ah khan a ton i,

GENESIS 21:17

Pathian nih ngakchiapa a ṭah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a ṭah kha a theih cang.

GENESIS 21:18

Tho law va kal law va cawi law va pom. A tefa cu miphun nganpi ah ka ser hna lai,” a ti.

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

GENESIS 22:10

Cun ka thah lai tiah nam a vun i lak ah khin

GENESIS 22:12

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

GENESIS 22:16

“Keimah nih keimah min hrimhrim in biakamnak ka ser lai — hihi Bawipa chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

GENESIS 24:7

Vancung Pathian Bawipa nih, ka pa inn le ka sahlawh le ka rualchan vialte hna sinin a ka chuahpi i, hi ram hi na tefa ka pek hna lai, tiah chiatser tein bia a ka kam. A vancungmi kha na hmaiah a thlah lai i cuka ah cun ka fapa caah nupi ding na va hmuh ko lai.

GENESIS 31:11

Cu ka mang ah cun vancungmi nih a ka thawh i, ‘Jakob,’ a ka ti i, kei nih, ‘Hawi,’ ka ti.

GENESIS 37:13

Israel nih khan Josef cu a thawh i, “Na ule cu Shekhem ah saṭil kha an khal hna. I tim law an sinah kan thlah lai,” a ti. Josef nih cun, “Kaa tim ko,” tiah a leh.

GENESIS 46:2

Pathian nih Israel cu zan ah langhnak in a chawnh i, “Jakob, Jakob,” a ti i anih nih, “Asi, na salpa nih ka ngaih ko,” tiah a leh.

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

EXODUS 3:4

Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

LAMKALTU 26:14

Kan dihlak in vawlei ah kan tlu i Hebru holh in aw pakhat nih a ka chawnh kha ka theih i, ‘Saul, Saul, zeicahdah na ka hrem? Fungzum chuih hi nangmah caah dah kaw a fah ko,’ tiah a ka ti.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

BIACEIHTU 2:1

Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i

1 SAMUEL 3:10

Cun Bawipa cu a ra i a rung dir i voi dang bantuk khan, “Samuel! Samuel!” tiah a auh. Cun Samuel nih, “Chim ko, zeitintiah na sal nih a theih,” tiah a ti.

1 SAMUEL 3:4

Cun Bawipa nih, “Samuel! Samuel!” tiah a kawh i anih nih, “Hika ah hin ka um!” tiah a ti.