GENESIS 21:23 - Lai (Hakha) Common Language Bible 2006

²³ Cucaah cun keimah siseh ka fale si hna seh ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le na umnak ram cungah hin zumhawktlak na si nakhnga bia i kam,” a ti.

GENESIS 21:23 ပူးပေါင်းရင်းမြစ်များ

GENESIS 20:14

Cun Abimelek nih khan Abraham cu Sarah kha a pek ṭhan i tuu le sal zong kha a pek chih hna.

GENESIS 21:24

Cun Abraham nih, “Kaa kam,” a ti.

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

GENESIS 26:28

Annih nih cun, “Atu cu Pathian nih an umpi kha kan hngalh i nangmah le kanmah karlak ah biakamnak a fekmi a um awk a herh tiah kan ruah.

GENESIS 31:44

Biakamnak tu ser u si law cu bia kan i kammi kan lung a kan pem tawntu ah lungpumh pakhat ser u sih,” a ti.

GENESIS 31:53

Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah.

GENESIS 39:3

Bawipa nih Josef cu a umpi i zei a tuahnak hmanh ah Bawipa nih a tlam a tlinter ti kha a bawipa nih cun a hmuh.

GENESIS 47:31

Israel nih cun, “Ka tuah lai, tiah bia i kam,” a ti. Josef nih bia cu aa kam i Israel nih cun a ihkhun lu lei hoih khan a lu a khun.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

2 KORIN 1:23

Pathian cu ka tehte a si — amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

HEBRU 6:16

Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

JOSHUA 2:12

Cucaah atu cu, nan cungah zaangfahnak ka langhter cang bantukin, nannih zong nih ka pa innchungkhar cungah zaangfahnak nan langhter ve i, hmelchunhnak taktak nan ka pek i,

1 SAMUEL 20:13

Sihmanhsehlaw ka pa nih nangmah cu harnak pek an duh sual a si ahcun, him tein na kal nakhnga, cucu nangmah sinah ka phuan lo i kan kalter lo a si ahcun, Jonathan cungah Bawipa nih cu bantukin tuah seh law, cu nak tam zongin tuah ko seh. Ka pa sinah Bawipa cu a um tawn bantukin nangmah sinah um ko seh.

1 SAMUEL 20:17

Cun Jonathan nih David cu amah a dawtnak chalh in chiat a serter ṭhan; zeitintiah amah nunnak aa dawt bantuk te khan a dawt.

1 SAMUEL 20:42

Cun Jonathan nih David cu, “Dai tein va kal ko, zeicahtiah, ‘Keimah le nangmah karah le ka tefa hna le na tefa hna karlak ah, zungzal in, Bawipa cu um ko seh,’ tiin pei Bawipa min in kan pahnih in chiat kan ser ṭi cang kha,” tiah a ti. Cun a tho i a kal; Jonathan cu khua chungah a lut.

1 SAMUEL 30:15

Cun David nih amah cu, “Hi bu sinah hin na vun ka kalpi lai maw?” tiah a ti. Cun anih nih, “Kan that lai lo, cun na bawipa sinah kan pe ṭhan lai lo, tiin Pathian min in ka sinah chiat ser law, hi bu sinah hin ka vun in kalpi ko lai,” tiah a ti.