GENESIS 21:20 - Lai (Hakha) Common Language Bible 2006

²⁰ Ngakchiapa cu Pathian nih a umpi i a ṭhang i Paran ramlak ah khan khua a sa; amah cu sakah thiam ngaimi a hung si.

GENESIS 21:20 ပူးပေါင်းရင်းမြစ်များ

GENESIS 10:9

Amah cu vawlei cungah sakap bik zong a si i cucaah mi nih phungthluk bia ah, “Nimrod bantuk sa kah thiam,” ti a si tawn.

GENESIS 16:12

Sihmanhsehlaw na fapa cu ramlak laa bantuk a si lai, a mi kip kha a doh hna lai i mi kip nih khan an doh ve lai. A rualchan hna umnak in lamhlapi ah khua a sa lai,” a ti.

GENESIS 17:20

Ishmael huhphenh awk kha na ka hal, cucaah hitihin ka tuah lai: Ishmael cu thluachuahnak ka pek lai i fa tampi le tefa tampi ka pek lai. Amah cu bawi bawi hleihnih pa a si lai i a tefa cu miphun nganpi ah ka ser hna lai.

GENESIS 25:27

Ngakchia cu an pahnih in an hung ṭhang, Esau cu sakah thiammi a si, ramvaih a duh ngaimi a si, sihmanhsehlaw Jakob cu midai, miholhlo, inn lawng i a ummi a si.

GENESIS 27:3

Cucaah cun na hriam, na li le na thal kha i lak hna law ram va vai law sa va ka kahpiak.

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 39:21

Asinain Bawipa nih khan Josef cu a umpi i a cungah zaangfahnak a ngei i cucaah thongbawi kha a lung a hmuh ngaingai.

LUKA 1:80

Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

LUKA 2:40

Ngakchia cu a hung ṭhang i a hung ṭhawng; fimnak in a khat i Pathian thluachuahnak kha a cungah a um.

BIACEIHTU 6:12

Cun Bawipa vancungmi cu a sinah a lang i a sinah, “Bawipa cu na sinah a um, nang a ṭhawng i ralṭha pa,” tiah a ti.