GENESIS 20:17 - Lai (Hakha) Common Language Bible 2006

^17-18 Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

GENESIS 20:17 ပူးပေါင်းရင်းမြစ်များ

GENESIS 12:17

Sihmanhsehlaw Abram nupi Sarai kha a inn ah cun a kalpi ruangah cun Bawipa nih Faro le a inn chung i a ummi vialte hna cu zawtnak a fakmi in dan a tat hna.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

GENESIS 29:31

Bawipa nih Leah cu dawt lo deuh a si kha a hmuh tikah anih tu kha fa ngeih khawhnak a pek i Rachel kha cu fa ngei loin a um ko.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

PHUNGTHLÛKBIA 15:29

Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

NAMBAR 12:13

Cun Moses nih Bawipa cu a auh i, “Maw Pathian, amah cu damter ko, tiah kan nawl,” tiah a ti.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

MATTHAI 7:7

“Hal u law an in pek hna lai, kawl u law nan hmuh lai, king u law innka cu an in hunpiak hna lai.

LAMKALTU 3:24

Cun Samuel thawk in a hnu i a ummi profet vialte hna nih, hi atu caan kong hi an dihlak in an bia i khat tein an rak chimchung cio.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

1THESALON 5:25

U le nau hna, kannih zong thla rak kan campiak ve u.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.