GENESIS 19:15 - Lai (Hakha) Common Language Bible 2006

¹⁵ Khua a hung dei tikah vancungmi nih khan Lot cu an hnawh i, “I hnawh tuah! Na nupi le na fanu pahnih kha i lak hna law chuak u. Cu ti nan chuah ahcun khua a rawh tikah nan thi lai lo,” an ti.

GENESIS 19:15 ပူးပေါင်းရင်းမြစ်များ

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

GENESIS 19:16

Asinain Lot cu aa nuainai i sihmanhsehlaw Bawipa nih khan a cungah zaangfahnak kha a ngeih caah, mi nih khan amah cu le a nupi le a fanu pahnih hna cu an kut in an hnuh hna i khua lengah an chuahpi hna i cuka ah cun an kaltak hna.

GENESIS 19:17

Cun khua chungin an chuahpi dih hna hnuah khan vancungmi pakhat nih cun aa thawh i, “Nan nun nakhnga tli u! Hnulei zoh hlah u, nelrawn chungah dircon hlah u. Tlang ah tli u law nan thi lai lo,” a ti hna.

GENESIS 19:22

I hnawh! A tlik in tli! Khika na phak hlanah cun zeihmanh ka tuah kho lo,” a ti. Lot nih khan cu khua cu khua hmete a ti caah a min ah Zoar sak a si.

SALM 94:23

Annih cu an ṭhat lo ruangah dan na tat hna lai i an sual ruangah na hrawh hna lai; Bawipa kan Pathian nih na hrawh hna lai.

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

BIAPHUAN 18:4

Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.