GENESIS 18:32 - Lai (Hakha) Common Language Bible 2006

³² Cun Abraham nih cun, “Bawipa, na thinhung hlah, voi khat in ka chim ko rih lai. Pahra lawng um hna seh law tah?” a ti. Cun anih nih, “Pahra an um ahcun ka hrawk lai lo,” a ti.

GENESIS 18:32 ပူးပေါင်းရင်းမြစ်များ

GENESIS 18:30

Cun Abraham nih cun aa thawh ṭhan i, “Bawipa, ka cungah na thin hung sawh hlah. Ka chim rih ko lai. Sawm thum lawng um hna seh law tah?” a ti. Anih nih, “Sawm thum ka hmuh hna ahcun ka hrawk hna lai lo,” a ti.

GENESIS 18:31

Abraham nih cun aa thawh ṭhan i, “Bawipa, na sinah ngamh ngaiin bia ka chim lengmang hi ka ngaithiam ko. Kul lawng um hna seh law tah?” tiah a ti. Anih nih, “Kul ka hmuh hna ahcun ka hrawk lai lo,” a ti.

GENESIS 44:18

Judah nih Josef cu a hei fuh i, “Bawipa, na sinah luat tein biachimnak nawl ka zaangfah tuah. Bawipa, ka cungah na thin hung hlah, nangmah cu Faro bantuk hrimhrim na si ko.

JOB 33:23

Sihmanhsehlaw amah caah vancungmi pakhat, thong khat lak i pakhat, Pathian le minung karlak i remnak sertu a um i, Minung nih ṭhatnak a tuahmi kha a langhter i,

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

EXODUS 32:14

Cucaah Bawipa cu a lung aa thleng i ka tlunter lai a timi thil ṭhalo kha Israel mi cungah cun a tlunter ṭhan lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

ISAIAH 65:8

Bawipa nih aa thawh i, “Mitsur thei ṭha cu ahohmanh nih an rawk bal lo, mitsur hang sernak tu ah khan an hman hna. Cu bantukin kei zong nih ka mi cu an dihlak in ka hrawk hna lai lo, ka rian a ṭuantu cu ka khamh hna lai.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

MATTHAI 7:7

“Hal u law an in pek hna lai, kawl u law nan hmuh lai, king u law innka cu an in hunpiak hna lai.

EFESA 3:20

Kan chungah rian a ṭuantu a ṭhawnnak thawngin kan hal khawh leng le kan ruah khawh lengin thil a tuah khotu Pathian cu,

BIACEIHTU 6:39

Cun Gideon nih Pathian sinah, “Ka cungah na thinhunnak kanghter sawh hlah, hi voi khatte hi cu ka chimter ko rih; hi voi khatte hi cu tuu hmul he hin ka hneksakter ko rih; tuu hmul lawnglawng hi ro seh law vawlei vialte ah hin dap tla seh tiah kan nawl,” tiah a ti.