GENESIS 18:30 - Lai (Hakha) Common Language Bible 2006

³⁰ Cun Abraham nih cun aa thawh ṭhan i, “Bawipa, ka cungah na thin hung sawh hlah. Ka chim rih ko lai. Sawm thum lawng um hna seh law tah?” a ti. Anih nih, “Sawm thum ka hmuh hna ahcun ka hrawk hna lai lo,” a ti.

GENESIS 18:30 ပူးပေါင်းရင်းမြစ်များ

GENESIS 18:29

Abraham nih cun aa thawh ṭhan i, “Sawm li lawng um hna seh law tah?” a ti. Anih nih, “Sawm li an um ahcun ka hrawk lai lo,” a ti ve.

GENESIS 18:31

Abraham nih cun aa thawh ṭhan i, “Bawipa, na sinah ngamh ngaiin bia ka chim lengmang hi ka ngaithiam ko. Kul lawng um hna seh law tah?” tiah a ti. Anih nih, “Kul ka hmuh hna ahcun ka hrawk lai lo,” a ti.

GENESIS 44:18

Judah nih Josef cu a hei fuh i, “Bawipa, na sinah luat tein biachimnak nawl ka zaangfah tuah. Bawipa, ka cungah na thin hung hlah, nangmah cu Faro bantuk hrimhrim na si ko.

JOB 40:4

“Zei rel awktlak a si lomi kei nih hin nangmah cu zeitindah ka leh khawh lai? Ka kut in ka ka kaa huh ah a ṭha deuh lai.

SALM 10:17

Bawipa, minauta cu an thlacamnak kha na ngaihpiak hna i lungṭhawnnak na pek hna.

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

SALM 9:12

Pathian nih hremnak a ingmi kha a philh hna lo i an aunak kha a philh lo: an cung i ṭhat lonak a tuahtu kha dan a tat hna.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

BIACEIHTU 6:39

Cun Gideon nih Pathian sinah, “Ka cungah na thinhunnak kanghter sawh hlah, hi voi khatte hi cu ka chimter ko rih; hi voi khatte hi cu tuu hmul he hin ka hneksakter ko rih; tuu hmul lawnglawng hi ro seh law vawlei vialte ah hin dap tla seh tiah kan nawl,” tiah a ti.