GENESIS 18:23 - Lai (Hakha) Common Language Bible 2006

²³ Abraham nih Bawipa cu a hei naih i, “A sual lomi cu a sualmi hna sinah na thah chih taktak ko hna lai maw?

GENESIS 18:23 ပူးပေါင်းရင်းမြစ်များ

GENESIS 18:24

Khuapi chungah khan a sual lomi sawm nga um hna seh law na hrawh ṭhiamṭhiam ko lai maw? Sawm nga khamh awkah khan an khua cu na zuah hnga lo maw?

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

GENESIS 20:4

Sihmanhsehlaw Abimelek nih khan a naih hmanh a naih lo i cucaah, “Bawipa, a sual lomi cu na ka thah ko lai maw?

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

JOB 34:17

Dinnak a huatu nih cun uktu a si kho bal hnga maw?

JOB 8:3

Pathian nih biading cu a merh bal maw? Asiloah, Lianngan Bik nih a dikmi cu a merh bal maw?

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

JEREMIAH 30:21

Anmah chung mi kha an uktu ah a chuak lai i Anmah mi hrimhrim kha an bawi ah a si lai. Ahohmanh nih anmah tein an ka naih ngam bal lo caah, Keimah nih amah cu, ka naih, tiah ka ti lai i a ka naih lai, tiah Bawipa nih a ti.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

JEIM 5:17

Elijah kha kanmah bantuk minung a si ve ko. Ruah sur hlah seh tiah biatak tein thla a cam i kum thum le a cheu ruah sur loin a um.