GENESIS 18:19 - Lai (Hakha) Common Language Bible 2006

¹⁹ A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 18:19 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 12:3

Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

GENESIS 17:9

Pathian nih Abraham cu a thawh i, “Nangmah zong nih keimah he kan biakamnak hi na zulh hrimhrim ve lai, nangmah le hmailei chan i a um laimi na tefa hna nih nan zulh hrimhrim ve lai.

GENESIS 22:18

Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

GENESIS 35:2

Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.

2 SAMUEL 22:22

Zeitintiah Bawipa lam kha kaa tlaih hna i Ka Pathian sinin, sualnak lam zulh awkah kaa ṭhen lo.

2 SAMUEL 7:20

Cun David nih na sinah zei hlei dah a chim khawh ti lai? Zeitintiah, maw Bawipa Pathian, nangmah nih na sal cu na hngalh ko!

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 14:3

Ram dang biakṭheng hna le khuahrum bo hna kha a hrawh hna i tung kha a chimh hna i Asherim kha a hau hna i

NEHEMIAH 9:7

Nangmah cu Abram kha a thim i Khaldi mi hna khua Ur khua in a chuahpi i a min ah Abraham a saktu Bawipa Pathian cu na si.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 34:15

A dingmi cu Bawipa nih a zohkhenh hna i an aunak kha a theih;

PHUNGTHLÛKBIA 22:6

A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.

ISAIAH 38:19

Atu i keimah nih kan thangṭhat bantukin nangmah an thangṭhatmi cu minung hi an si. Zeitluk in dah zumhawktlak na si kha pale nih an fale kha an chimh hna.

LEVITIKAS 14:42

cun lung dang an lak hna lai i kha lung hna umnak ah khan an chiah hna lai i lung benhnak thung dang zong kha an lak lai i inn cu an benh lai.

AMOS 3:2

Vawleicung miphun vialte lakah hin Nanmah lawnglawng hi kan theihhngalhmi hna nan si, Cucaah nan ṭhat lonak vialte ruangah hin dan kan tat hna lai.

MATTHAI 25:17

Cu bantuk ṭhiamṭhiam in thong hnih a hmu mipa zong nih khan a dang thong hnih a miak a hmuh ve.

JOHAN 10:14

Tuukhal ṭha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

LAMKALTU 27:31

Sihmanhsehlaw ralbawipa le ralkap hna cu Paul nih khan, “Hi lawngcawng pawl hi lawng cung i an um peng lo ahcun nan nung lai lo,” tiah a ti hna.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

DEUTERONOMI 32:46

annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, ṭha tein an tuah nakhnga, nan fale kha nawl pe hna u.

1TIMOTE 3:12

Khrihfa upa cu nupi pakhat lawng a ngeimi an si lai i an fale hna le an innchungkhar kha ṭha tein a zohkhenh khomi an si lai.

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

BIACEIHTU 13:12

Cun Manoah nih, “Na bia cu a tlin tikah ngakchiapa cu zeitindah a umtu ningcang a si lai i zeidah a tuah lai?” tiah a ti.