GENESIS 17:16 - Lai (Hakha) Common Language Bible 2006

¹⁶ Amah cu thluachuahnak ka pek lai i fapa pakhat an hrinpiak lai. Amah cu thluachuah ka pek lai i miphun hna nu a si lai; a tefa hna lakah cun siangpahrang zong an um lai,” a ti.

GENESIS 17:16 ပူးပေါင်းရင်းမြစ်များ

GENESIS 1:28

Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 15:4

Cun Bawipa nih, “Hi sal hi na rocotu cu a si lai lo, na rocotu cu nangmah na fapa hrimhrim a si lai,” tiin a chimh cu a theih ṭhan.

GENESIS 17:15

Cun Pathian nih Abraham cu, “Na nupi cu Sarai tiah na ko ti lai lo, a min cu Sarah a si cang.

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 17:6

Tefa tampi kan pek lai i a cheu cu siangpahrang an si lai. Na tefa cu an tam tuk hringhran lai caah miphun phun ah an i chuah lai.

GENESIS 21:1

Bawipa nih bia aa kam bang khan Sarah cu a bawmh i

GENESIS 24:60

Cun Rebekah cu thluachuah an pek i, “Kan farnu, nang cu mi thong tampi nu ah va cang law, Na tefa hna nih khan an ral hna khuapi kha tei hna seh,” an ti.

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

GENESIS 35:11

Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai.

GENESIS 36:31

Israel siangpahrang ahohmanh nih Edom ram cu an uk hlanah, cu ram a rak uktu siangpahrang cu hi hna hi an si.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ROM 9:9

Zeicahtiah Pathian biakam cu hitihin, “A caan a cut tikah ka ra kir ṭhan lai i Sarah nih fapa a hrin lai,” ti kha a si.

GALATI 4:23

Salnu nih a hrinpiakmi fapa cu hawi phungning cio ah hrinmi a si, sihmanhsehlaw a luatmi nu nih a hrinpiakmi cu Pathian biakamnak thawngin hrinmi a si.

1 PETER 3:6

Sarah kha cu bantuk cu a si; Abraham kha a nawl a ngaih i, “Ka bawipa,” tiah a auh. Ṭhatnak nan tuah i zeihmanh ṭihnak nan ngeih lo ahcun, a fanule cu nanmah hi nan si.