GENESIS 17:14 - Lai (Hakha) Common Language Bible 2006

¹⁴ Cuarpar aa tan lomi pa cu a miphun chungin hlonh a si lai, zeicahtiah keimah he biakamnak cu a zul lo,” tiah a ti.

GENESIS 17:14 ပူးပေါင်းရင်းမြစ်များ

GENESIS 17:15

Cun Pathian nih Abraham cu, “Na nupi cu Sarai tiah na ko ti lai lo, a min cu Sarah a si cang.

GENESIS 34:14

An thawh hna i, “Kan farnu cu cuarpar tan lomi pa cu kan vatter kho lo; kan vatter a si ahcun kan caah thangchiatnak a si hnga.

SALM 55:20

Hlanlio ka hawi nih khan a hawi lila cu a tuk hna; a biakam cu a zul lo.

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

EXODUS 12:19

Ni sarih chung, nan inn chungah thilnu nan chia hrimhrim lai lo, thilnu phulhmi changreu a eimi cu nanmah miphun chung mi a si ah, ramdang mi a si ah, Israel mi bu chungin thlei a si lai.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

EXODUS 30:38

Ahohmanh hi bantuk zihmui mah hman awkah aa sermi cu a phunhawi sinin thlei a si lai,” a ti.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 33:8

Lam ah khan himnak a um lo caah cu lam cu ahohmanh nih an zul ti hna lo. Biakamnak kha an rawk, cuticun kan tuah ṭi lai ti hnatlaknak kha zeihmanh ah an rel lo. Ahohmanh zei ah an i rel lo.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

EZEKIEL 44:7

Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha an thurhhnawmh i ka biakamnak kha pakpalawng ah nan ser.

LEVITIKAS 18:29

Zeitintiah hi thil fihnung hna a zeipaoh hi a tuahtu paoh cu, cu a tuahtu hna paoh cu, an mi sinin hlonh an si lai.

LEVITIKAS 19:8

a eitu paoh nih a ṭhat lonak cu a in lai, zeitintiah Bawipa thil thiang pakhat a thurhhnawmh a si; cu pa cu a mi hna sinin hlonh a si lai.

LEVITIKAS 23:29

Hi ni i aa temhinter lomi paoh cu a mi hna sinin hlonh a si lai.

LEVITIKAS 7:25

Zeitintiah Bawipa sinah mei in pekmi thawinak sa a thau a eimi kip cu a miphun sinin hlawt a si lai.

LEVITIKAS 7:27

Thi zei hmanh a eimi cu a miphun sinin hlawt a si lai,” a ti.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

1 KORIN 11:27

Cu bantuk ve in Bawipa thangchiatnak dingin a chang cu nan ei i a hrai cu nan din ahcun, cu bantukin a tuahmi paoh cu Bawipa pum le thi cung i sualnak a tuahmi nan si.

1 KORIN 11:29

Zeicahtiah chang kha a ei i hrai in a din tikah Bawipa pum sullam kha a hngalh lo ahcun a ei a din ah khan biaceihnak aa ei aa din chih.