GENESIS 17:11 - Lai (Hakha) Common Language Bible 2006

^11-12 Atu ri hin cun fapa nan ngeihmi paohpaoh cu ni riat a si ah an cuarpar nan tan hrimhrim hna lai, nan inn chung i a chuakmi nan sal hna zong, cun ramdangmi sin i nan cawkmi sal hna zong an i tel chih dih lai. Hi nih hin nanmah le keimah karlakah biakamnak a um kha a langhter lai.

GENESIS 17:11 ပူးပေါင်းရင်းမြစ်များ

GENESIS 9:12

Cun Pathian nih cun, “Nanmah le saram vialte hna sin i ka sermi ka biakamnak zungzal in a hmunmi hmelchunhnak caah,

2 SAMUEL 3:14

Cun David nih Saul fapa Ishbosheth sinah khan lamkal a hei thlah hna i, “Filistin mi cuarpar za khat in ka hammi ka nupi Mikhal kha ka pe tuah,” tiah a ti.

EXODUS 12:48

Ramdangmi pakhatkhat nan sinah a um i Bawipa sinah lanhtak puai kha tuah a duh ve ahcun a sin i a ummi pa vialte kha an cuarpar nan tan hmasa hna lai i cu hnuah cun puai ah cun aa tel kho lai; amah cu Israel mi taktak bantukin nan zoh lai. Sihmanhsehlaw cuarpar tan lomi nih cun an ei hrimhrim lai lo.

EXODUS 4:25

Zipporah nih khan lung harmi pakhat aa lak i a fapa cuarpar kha a tan i cu lung cun Moses ke kha a tawngh hna. Zipporah nih cun, “Nangmah cu thisen chuahtertu ka va na si hrimhrim ko,” a ti.

LAMKALTU 7:8

Cun Pathian nih Abraham cu cuarpartannak phunglam kha biakamnak hmelchunhnak caah a pek i cucaah Abraham nih cun Isak kha a chuah hnu zarh khat ah a cuarpar kha a tan. Isak nih Jakob kha a tan ve i Jakob nih kan pupa hleihnih hna kha a vun tan ve hna.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

JOSHUA 5:3

Cucaah Joshua nih ṭeklung namte cu a ser hna i Gibeath-haaraloth ah Israel mi cu an cuarpar a tan hna.