GENESIS 16:5 - Lai (Hakha) Common Language Bible 2006

⁵ Khi tikah Sarai nih Abram cu a thawh i, “Hagar nih zeihmanh i a ka rel lo hi nangmah palh a si. Keimah hrimhrim nih ka sal cu kan pek i fa ka pawi ti aa hngalh cangka keimah kha a ka serhsat. Cucaah kannih pahnih lakah hin ahodah a ding ti kha Bawipa nih kan ceih seh,” tiah a ti.

GENESIS 16:5 ပူးပေါင်းရင်းမြစ်များ

GENESIS 16:4

Abram nih Hagar cu a ihpi i fa a pawi. Hagar nih cun fa ka pawi ti kha a hun i hngalh tikah porhlawt in aa la i Sarai kha zeihmanh ah a rel lo.

GENESIS 31:53

Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah.

2 CHANRELNAK 24:22

Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, “Bawipa nih hmu seh law phuhlam ko seh,” tiah a ti.

SALM 35:23

Bawipa, i hlau law ka chanh tuah; ka Pathian, tho law ka bia ka chimpiak tuah.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 7:8

Bawipa, nangmah cu mi vialte biaceihtu bawi na si. Kei cu miṭha le a sual lomi ka si caah keimah lei ṭanh in biakhiahnak kha tuah ko.

EXODUS 5:21

Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.

JEREMIAH 51:35

Kan cung i zaang-ennak tuahmi le phuhlamnak tuahmi hi Babilon cungah tla seh, an ti lai. Jerusalem i a ummi hna nih, Kan thisen cu Khaldi ram i a ummi hna cungah tla seh, an ti lai.

BIACEIHTU 11:27

Cucaah nangmah cungah ka sual lo, ka cung i ral na ser caah hin nangmah tu nih ka cungah na sual; Bawipa, Biaceihtu nih nihin ah hin Israel mi le Ammon mi hna karlak ah bia khiak seh,” tiah a ti.

1 SAMUEL 24:16

Hi bia cu David nih a chim dih hna tikah Saul nih, “Mah hihi nangmah aw a si maw, ka fapa David?” tiah a ti. Cun Saul cu thangpi in a ṭap.