GENESIS 15:7 - Lai (Hakha) Common Language Bible 2006

⁷ Cun Bawipa nih Abram cu a thawh i, “Hi ram hi nangmah pek awkah Khaldi ram Ur khua in chuah an fialtu cu Bawipa hi ka si,” a ti.

GENESIS 15:7 ပူးပေါင်းရင်းမြစ်များ

GENESIS 12:1

Bawipa nih Abram cu a thawh i, “Na ram le na rualchan le na pa inn kha chuahtak hna law kan hmuhsak laimi ram ah kal tuah.

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

GENESIS 28:4

Abraham thluachuah a pek bantuk khan nangmah le na tefa hna cu thluachuah in pe hna seh law, atu i na umnak ram, Pathian nih Abraham a pekmi ram hi nangmah ta si seh,” a ti.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

SALM 105:11

“Kanaan ram cu kan pek lai, cu ram cu nangmah ta a si lai,” a ti.

SALM 105:42

A sal Abraham sinah a sermi a biakam thiang kha a philh lo.

SALM 105:44

Ramdangmi an rak umnak ram kha a pek hna i an lo kha a coter hna,

EXODUS 32:13

Na sal Abraham le Isak le Israel kha philh hna hlah law, an sinah na min chalh in chiatser in bia naa kam i, ‘Van i a ummi arfi zat khin tefa kan pek hna lai. Kan kamhmi hna ram hi a dihlak in nan tefa kha ka pek hna lai i anmah ta zungzal in a si lai,’ na timi zong kha philh sawh hlah,” a ti.

NAMBAR 33:53

Cun ram cu nan co lai i a chungah nan um lai, zeitintiah, co awkah cu ram cu kan pek cang hna.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

DEUTERONOMI 3:18

“Cun khi caan ah khan nawl kan pek hna i, ‘Bawipa nan Pathian nih hi ram cu co awkah an pek cang hna; nannih nan unau Israel mi hna hmaiah nan mi ralṭha vialte hna cu hriamnam put in an lan hmasa lai.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.