GENESIS 15:6 - Lai (Hakha) Common Language Bible 2006

⁶ Abram nih Bawipa cu a zumh i cu a zumhnak cu Bawipa nih a dinnak ah a cohlanpiak.

GENESIS 15:6 ပူးပေါင်းရင်းမြစ်များ

NEHEMIAH 9:8

Cun amah cu nangmah sinah zumhawktlak a si kha na hmuh i a tefa hna cu Kanaan mi hna le Hit mi hna le Amor mi hna le Periz mi hna le Jebus mi hna le Girgash mi hna ram kha pek awkah amah sinah khan biakamnak kha na ser; cun nang cu na din caah na biakamnak cu na tlinter.

SALM 106:31

Cu a tuahmi cu a caah dinnak ah relpiak a si i hmailei caan tiang zongin a si zungzal ko lai.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

ROM 4:9

David nih a chimmi lunglawmhnak hi cuarpar tanmi hna ca lawngah maw a si? Si hlah. Cuarpar tan lomi hna ca zongah a si ko. “Abraham nih Pathian a zumh i cu a zumhnak ruangah cun Pathian nih miding bantukin a cohlan,” ka timi kha ka nolh rih lai.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

JEIM 2:23

Cucaah cun, “Abraham nih Pathian a zumh i cu a zumhnak thawng cun Pathian nih miding ah a cohlan,” tiah a titu Cathiang bia cu a tling. Cucaah Abraham cu, “Pathian hawi,” tiah ti a si.