GENESIS 15:14 - Lai (Hakha) Common Language Bible 2006

¹⁴ Asinain cu bantukin a hremtu hna miphun kha keimah nih dan ka tat hna lai i cu ram in an chuah tikah chawva tampi he an chuak lai.

GENESIS 15:14 ပူးပေါင်းရင်းမြစ်များ

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

SALM 105:42

A sal Abraham sinah a sermi a biakam thiang kha a philh lo.

SALM 135:14

Bawipa nih a mi cu a zaangfah hna lai, a sal cu a luatter hna lai.

SALM 135:9

Faro le a bawi pawl dantatnak ah khuaruahharmi thil le hmelchunhnak kha a ser hna.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

EXODUS 12:29

Zanṭim ah Bawipa nih Izipt ram fater vialte cu a thah hna; bawiṭhutdan cungah a ṭhu ding Faro fater thawk in thong chung i a ummi thongtla fater tiang an thi; saṭil fater vialte zong an thi.

EXODUS 3:10

Atu cu nangmah kha Faro sinah kan thlah lai i ka mi Israel mi cu Izipt ram in na chuahpi hna lai,” a ti.

LAMKALTU 7:7

Sihmanhsehlaw an rianhmi hna miphun cu bia ka ceih hna lai,’ ti hi a si i, ‘Cun a hnuah cu ram cun an chuak lai i hi hmun ah hin an ka biak lai,’ ti zongah Pathian nih cun a ti fawn.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 6:22

Bawipa nih cun a ngan le ṭih a nungmi hmelchunhnak le khuaruahharnak hna cu Izipt le Faro le a innchungkhar vialte cungah kan mithmuh ah a langhter hna i,

JOSHUA 24:17

Zeitintiah Bawipa kan Pathian cu kanmah le kan pupa hna kha sal taannak inn, Izipt ram in a kan chuahpitu le kan mithmuh ah hmelchunhnak lianngan a tuahtu le kan kalnak kip le kan palmi miphun kip lakah a kan zuahtu kha a si;

1 SAMUEL 12:8

Jakob nih Izipt ram chungah a vung kal i Izipt mi hna nih an hrem tikah, khi tikah nan pupa hna nih Bawipa kha an auh i Bawipa nih Moses le Aaron kha a thlah hna, annih nih nan pupa hna kha Izipt ram chungin an chuahpi hna i hi hmun ah hin an umter hna.