GENESIS 15:13 - Lai (Hakha) Common Language Bible 2006

¹³ Bawipa nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

GENESIS 15:13 ပူးပေါင်းရင်းမြစ်များ

GENESIS 15:16

Na tefa hna cu chan li hnuah an ra kir ṭhan lai, zeicahtiah Amor mi hna cu dantat awk tlak hrimhrim in an sual tik lawngah ka ṭhawl hna lai,” a ti.

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

GENESIS 47:4

“Cun bawipa, hika ram i kan ratnak cu Kanaan ram chungah khan mangṭam a fak tuk i kan saṭil run caah khan ram zeihmanh a um lo. Cucaah cun bawipa, Goshen ram chungah hin kan umter ko tiah kan in nawl,” an ti.

SALM 105:42

A sal Abraham sinah a sermi a biakam thiang kha a philh lo.

EXODUS 1:11

Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.

EXODUS 1:13

sal hremnak a fakmi chungah khan an khumh hna i

EXODUS 1:14

tlakser rian le tlakrawh rian le rian har phun zakip kha an ṭuanter hna i cuticun rethei ngaingai in an chiah hna. Rian har phun zakip kha rumro in an hnek hna.

EXODUS 2:24

an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.

EXODUS 22:21

“Nannih zong kha Izipt ram ah khan ramdang mi nan rak si ve caah, ramdangmi kha nan serhsat hna lai lo i nan hrem fawn hna lai lo.

EXODUS 23:9

“Ramdang mi kha nan zawmhtaih hna lai lo, nannih zong Izipt ram ah ramdang mi nan rak si caah ramdang mi si cu zei bantuk dah a si ti kha nan hngalh.”

EXODUS 3:10

Atu cu nangmah kha Faro sinah kan thlah lai i ka mi Israel mi cu Izipt ram in na chuahpi hna lai,” a ti.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

NAMBAR 20:15

kan pupa nih Izipt ram ah an vung kal i Izipt ram ah saupi kan um i Izipt mi hna nih fak piin kanmah le kan pupa hna kha an kan hrem;

LAMKALTU 7:17

“Pathian nih Abraham sinah bia-kamnak a sermi a tlin caan kha a nai tikah Izipt ram i a ummi kan mi hna cu fak piin an karh.

GALATI 3:17

Ka chim duhmi cu hihi a si: Pathian nih biakamnak cu a tuah i cu biakam cu zulh awkah bia aa kam. Cu hnu kum za li le sawm thum ah Nawlbia kha a hung um i cu nih cun biakamnak cu a hrawk kho lo; Pathian biakamhmi cu pakpalawng zongah a canter kho lo.

DEUTERONOMI 10:19

Cucaah mipem kha daw u, zeitintiah nannih kha Izipt ram ah mipem nan rak si.

DEUTERONOMI 5:15

Izipt ram ah sal na rak si le Bawipa na Pathian nih khika khan a ṭhawngmi kut le samhmi ban in an chuahpi kha na cinken lai; cu caah Bawipa na Pathian nih sabbath ni kha ulh awkah nawl a rak in pek.