GENESIS 14:20 - Lai (Hakha) Common Language Bible 2006

²⁰ Na ral an teitertu Cung Nung Bik Pathian cu thangṭhat si ko seh,” a ti. Cun Abram nih hranchaw a lakmi vialte cheuhra cheukhat a pek.

GENESIS 14:20 ပူးပေါင်းရင်းမြစ်များ

GENESIS 14:21

Cun Sodom siangpahrang nih Abram cu a thawh i, “Ka minung hna dah ti lo cu, na lakmi thil paohpaoh kha an dihlak in nangmah nih i chiah ko hna,” a ti.

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 28:22

Philh lonak lung ah ka phunmi lung hi na inn a si lai i na ka pekmi thil vialte cheu hra ah cheu khat kan pek lai,” a ti.

GENESIS 47:24

Nan ṭuan tikah cheu nga cheu khat kha Faro nan pek lai. A taangmi cu nanmah caah a si lai, nan lo tuh awk thlaici ca le nanmah le nan innchungkhar hna le nan fale hna ei awk rawl caah a si lai,” a ti.

GENESIS 47:26

Cuticun Josef nih Izipt ram chungah cun upadi pakhat a ser i cu upadi ah cun rawl a chuakmi vialte kha cheu nga cheu khat cu Faro ta a si. Cu upadi cu nihin tiang hin a hmun ko. Tlangbawi hna ram lawnglawng Faro ta ah cun an cang lo.

GENESIS 9:26

Cun aa thawh ṭhan i, “Shem Pathian Bawipa cu thangṭhat ko u. Kanaan cu Shem sal a si lai.

2 SAMUEL 18:28

Cun Ahimaaz nih siangpahrang cu a hei auh i, “A ṭha dih ko,” tiah a ti. Cun siangpahrang hmaiah cun vawlei lei hoih in a lu a khun i, “Siangpahrang ka bawipa doh awkah a thomi vialte a sunghtertu hna Bawipa na Pathian cu thangṭhat si ko seh,” tiah a ti.

2 CHANRELNAK 31:12

Cun annih nih zumhawktlak tein thawhlawm le cheuhra cheukhat le pekchanhmi thil kha an rak put hna. Annih a zohkhenhtu bawi upa bik cu Levi mi Konaniah a si i a unau Shimei cu amah dottu a si;

NEHEMIAH 10:37

cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheu hra cheu khat cu lothlomi khua nih an thawhmi cheu hra cheu khat a khawltu Levi mi hna sinah khan rak chuahpi awkah bia kan i kam fawn.

NEHEMIAH 13:12

Cun Judah ram mi vialte nih rawl le mitsur hang le chiti cheu hra cheu khat hna kha thilri khonnak inn chungah cun an rak put hna.

SALM 144:1

Bawipa, ka lungpi cu thangṭhat si ko seh! Amah nih raltuknak kha a ka cawnpiak i ka kutdong kha raldoh a thiamter hna.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

SALM 68:19

Ni khat hnu ni khat kan thilrit a kan changtu Bawipa cu thangṭhat ko u, amah cu a kan khamhtu Pathian a si.

EXODUS 18:10

Aa thawh i, “Izipt mi hna kut chung le Faro kut chungin an khamhtu hna Bawipa cu thangṭhat ko u. Izipt mi kut tang sal cannak i a mi a khamhtu hna Bawipa cu thangṭhat ko u.

AMOS 4:4

“Bethel ah ra u law ra sual u; Gilgal ah ra u law sual chinchin u! Zing fate in nan raithawinak kha rak pu u, Nan cheu hra cheu khat kha ni thum dan lengmang ah rak chuahpi hna u.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

MALAKHI 3:8

Minung nih Pathian cu hlen awk a si hnga maw? Si hrimhrim hlah, asinain nan ka hlen.

NAMBAR 28:26

“Theipar hmasa bik hna ni ah, zarh hna puai ah Bawipa sin i rawl thar changvut thawinak nan pekchanh tikah, a thiangmi pumhnak nan ngei lai; rian fak nan ṭuan lai lo,

LUKA 18:12

Zarh khat chungah voi hnih lengmang rawl ka ul i chawva ka hmuhmi vialte cheu hra cheu khat kan pek,’ tiah a ti.

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

DEUTERONOMI 12:17

Nan rawl, nan mitsur hang le nan chiti chungin cheu hra cheu khat siseh, nan saṭil run chung le nan tuurun chung i fater si hna seh, bia nan i kammi nan biakamnak pekchanhnak si hna seh, mah lungthote nan pekchanhnak si hna seh, nan pekchanhmi pekchanhnak si hna seh, nanmah nan khua chungah nan ei hna lai lo;

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

DEUTERONOMI 14:28

“Cun kum thum donghnak lengmang ah cu kum i nan voimi cheu hra cheu khat vialte cu nan chuahpi lai i nan khua chungah nan chiah hna lai;

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.