GENESIS 14:13 - Lai (Hakha) Common Language Bible 2006

¹³ Sihmanhsehlaw a luat sualmi pakhat nih Hebru mi Abram cu cu kong cu a chimh. Abram cu Mamre thingzarh pawng i khua a sami a si, Mamre cu Eshkol le Aner hna u kha a si i hi hna hi Abram he ṭangṭi an si.

GENESIS 14:13 ပူးပေါင်းရင်းမြစ်များ

GENESIS 10:16

Jebus mi hna le Amor mi hna le Girgash mi hna le

GENESIS 13:18

Cucaah Abram nih a riahhmun cu a ṭhial i Hebron khua i Mamre thingzarh an umnak ah khan a va um, cuka ah cun Bawipa caah biakṭheng pakhat a va ser.

GENESIS 14:24

Zeihmanh keimah caah kaa lak lai lo. Ka mi hna nih an hman cangmi thil hna le ka sin ṭang hna nih an hmuhtin awk a si vemi thil lawnglawng kha ka cohlan hna lai; Aner, Eshkol le Mamre nih khan an covo cu an i lak ve lai,” a ti.

GENESIS 18:1

Bawipa cu Abraham sinah Mamre i thingzarh hna lakah khan a lang. Chun ni lin lai i Abraham cu a thlam innka i a ṭhut lioah khan,

GENESIS 21:24

Cun Abraham nih, “Kaa kam,” a ti.

GENESIS 21:27

Cun Abraham nih Abimelek cu tuu le caw tlawmpal a pek i an pahnih in biakamnak an ser.

GENESIS 21:32

Beer-sheba ah biakamnak kha an tuah dih cun, Abimelek le a ralbawi ngan bik Fikol cu Filistin mi hna ram ah khan an kir ṭhan.

GENESIS 39:14

a innchung mi kha a auh hna i, “Mah hi zohhmanh u! Ka va nih hi Hebru mipa hi kan inn ah a ratpi i atu cu a kan serhsat ngaingai cang. Ka khaan chungah a ka luhhnawh i kan it lai a ka ti i asinain a than khawh chungin ka ai.

GENESIS 40:15

A ngaingai ti ah cun kei cu Hebru ram hin hramhram in an rak ka tlaih i hika zongah hin thong tlaknak ding tlak zeihmanh ka tuahmi a um lo,” a ti.

GENESIS 41:12

Kan sinah cun Hebru tlangval note pakhat, inn cawngtu hna haotu bawi a simi sal kha a um ve i kan mang cu kan chimh. Amah nih cun kan mang cu a kan lehpiak i an sullam cu a kan chimh veve.

GENESIS 43:32

Josef cu amah dang tein an pek, cun a unau pawl cu cabuai a dang pakhat ah an pek hna i Josef sinah rawl a eimi Izipt mi cu anmah dang tein an pek ve hna, zeicahtiah Izipt mi nih cun Hebru mi he rawl ei ṭi cu ningzak ah an rel.

JOB 1:15

cun Seba mi hna nih an chuahhnawh hna i an lak hna i na sinum hna kha vainam in an thah hna; cun keimah lawnglawng hi nangmah chimtu dingah ka luat,” tiah a ti.

EXODUS 2:11

Cu hnu tlawmpal, Moses cu a hung upat tikah khan, a phunhawi mi cu a va leng hna i zeitluk in dah rianhrang ṭuan an hnek hna ti kha a va hmuh. A miphun hawi pakhat Izipt mipa i a thah zong kha a va hmuh fawn.

EXODUS 2:6

Faro fanu nih cun a vun hun i a chungah ngakchiapate pakhat cu a rak um i cu ngakchiapa cu a hung ṭap. A zaang a fak ngaingai i, “Mah hi ngakchiate hi Hebru mi hna ngakchia pakhat a si ko lai,” tiah a ti.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

JEREMIAH 34:9

Hebru mi nih Hebru mi sal i nan zuatmi hna vialte cu, nu an si ah, pa an si ah, nan luatter hna lai; nanmah nan phunhawi a simi Judah mi kha sal ah nan zua hna lai lo, tiah a ti.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

NAMBAR 13:23

Cun Eskhol Nelrawn an phan i cuka ah cun mitsur tlai bor khat a nge in an sah i lang in pahnih nih an put; taleti le theipi zong an rak phorh.

NAMBAR 21:21

Cun Israel nih Amor mi siangpahrang Sihon sinah lamkaltu an thlah hna i,

2 KORIN 11:22

Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

FILIPI 2:5

Nan lungput cu Khrih nih a rak ngeihmi lungput kha si seh; cucu hihi a si:

1 SAMUEL 29:3

Filistin mi ralbawi hna nih cun an thawh i, “Hi Hebru mi hna hi hika ah hin zeidah an tuah?” tiah an ti. Cun Akhish nih Filistin mi ralbawi hna sinah cun, “Mah hihi Israel siangpahrang Saul i a sal David, keimah sin i ni hi zat le kum hi zat a um cangmi, keimah sin i a rung zam hnu i a cung i palhnak zeihmanh ka hmuh lomi kha a si lo maw?” tiah a ti.

1 SAMUEL 4:12

Cun Benjamin mi pakhat cu raltuknak hmun khan a le i cu ni lila ah cun Shiloh a phan, a puan kha a thleh hna i a lu ah vawlei aa phulh.