GENESIS 13:8 - Lai (Hakha) Common Language Bible 2006

⁸ Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo.

GENESIS 13:8 ပူးပေါင်းရင်းမြစ်များ

GENESIS 13:9

I ṭhen u sih. Ram hi na duhnak kaa zawn i thim law ka kaltak ko. Nang kehlei i na kal ahcun kei orhlei ah ka kal lai, orhlei i na kal ah cun kehlei ah ka kal lai,” a ti.

GENESIS 14:14

Abram nih a rualchan an tlaih ti kha a theih tikah a riahhmun i a ummi a minung hna lak i zumhawktlak a timi minung za thum le hlei riat kha a kawh hna i siangpahrang hna cu Dan khua tiang an dawi hna.

GENESIS 45:24

A unau hna cu a hei thlah hna i, “Lampi ah lungrethei in va um hlah u,” tiah a ti hna.

GENESIS 46:34

‘Kannih cu bawipa, kan pupa nih an rak tuah tawn bangin kan no lio tein saṭil zohkhenh kan si,’ nan ti lai. Cu ti nan ti ahcun Goshen ram ah hin nan um kho lai,” a ti hna. Hi bangin a chimh hna cu Izipt mi nih khan tuukhal paoh cu an duh hna lo caah a si.

SALM 133:1

Unau rual i rem tein khuasak ṭi hi zeitluk in dah a ṭhat i a nuamh!

EXODUS 2:13

A thaizing ah khan a va kal ṭhan i Hebru mi pahnih an rak i velh len ko kha a hmuh hna. A sualpa cu a thawh i, “Zeicahdah na phunhawi a si mipa cu na velh len ko?” a ti.

PHUNGTHLÛKBIA 15:1

Lehnak nem nih thinhunnak a damter, sihmanhsehlaw biahrang nih cun thin a phawh.

PHUNGTHLÛKBIA 15:18

Thintawi nih siknak a chuahter, sihmanhsehlaw lungsaunak nih rem lonak a damter.

PHUNGTHLÛKBIA 20:3

Mihrut aho paoh nih siknak kha a thawhter khawh, sihmanhsehlaw siknak hrial cu upat awk tlak thil a si.

MATTHAI 5:9

Mi le mi karah remnak a sertu cu lunglawmmi nan va si dah! Pathian nih, ka fa, tiah an ti hna lai.

LAMKALTU 7:26

A thaizing ah Israel mi pahnih an i velh kha a hmuh hna i an karlak i remnak ser kha aa zuam. A thawh hna i, “Ka duale hna, ka bia hi ngai tuah u, nannih cu u le nau pei nan si cu, zeicahdah pakhat le pakhat nan i velh?” tiah a ti hna.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

FILIPI 2:14

Zei rian nan ṭuan hmanh ah, phunzai lengmang lo le bia i al lengmang loin ṭuan u.

1THESALON 4:9

Zumhnak lei i nan unau hna dawtnak kongah caṭial a herh ti lo. Zeicahtiah nanmah hrimhrim kha Pathian nih pakhat le pakhat nan i dawt awk a si tiah an cawnpiak hna i

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

HEBRU 13:1

Khrih chungah unau nan si bantukin pakhat le pakhat i daw zungzal u.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

2 PETER 1:7

Pathian ṭihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u.

1JOHAN 4:7

Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le pakhat aa dawmi cu Pathian fa an si i Pathian kha an hngalh.

BIACEIHTU 9:26

Cun Ebed fapa Gaal cu a rualchan hna he Shekhem ah an i ṭhial i Shekhem khuami hna nih cun amah cungah khan zumhnak an ngei.