GENESIS 12:6 - Lai (Hakha) Common Language Bible 2006

⁶ Abram cu ram chungah cun aa chawk i Shekhem khua an hmunthiang, Moreh thing zarh an timi kha a va phan. (Cu lioah cun Kanaan mi kha cu ram chungah cun an um ko rih).

GENESIS 12:6 ပူးပေါင်းရင်းမြစ်များ

GENESIS 10:15

Kanaan cu Sidon (a fapa upa bik) le Heth le

GENESIS 13:7

Cucaah Abram saṭil cawng hna le Lot saṭil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).

GENESIS 33:18

Jakob cu Mesopotamia ram khan a ra kir i Kanaan ram chung khua Shekhem kha him tein a phan. Khua hmailei i a ummi lo ah khan riah hmun cu a khuar.

GENESIS 34:2

Cuka ram bawi Shekhem, Hiv mi Hamor fapa nih khan a hmuh tikah a tlaih i a ihpi i a min a chiatter.

GENESIS 34:30

Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.

GENESIS 35:4

Cucaah an i chiahmi ramdang pathian vialte le an i tonhmi hnatonh vialte kha Jakob cu an pek i Shekhem pawng i a ummi kuhthing toiah khan a thuh hna.

1 SIANGPAHRANG 12:1

Rehoboam cu Shekhem ah a kal, zeitintiah amah cu siangpahrang i ser awkah Israel mi vialte cu Shekhem ah an ra.

1 SIANGPAHRANG 12:25

Cun Jeroboam nih Efraim tlangram ah Shekhem kha a sak i khika ah a um; cun khika in a chuak i Penuel kha a sak.

SALM 60:6

Pathian nih a hmunthiang chungin aa thawh i, “Shekhem cu ka tei lai i ka cheu lai, cun Sukkoth Nelrawn cu ka mi kha ka phawt hna lai.

HOSEA 6:9

Damiah nih mi an bawh hna bantukin, Shekhem khua lei i a kalmi hna kha thah awkah tlangbawi hna cu an i pum. An tuahmi cu a ṭhalo tuk hringhran.

JOHAN 4:5

Samaria ram ah cun khua pakhat khi a hei phan i cu khua cu a min ah Saikhar a si. Saikhar cu Jakob nih a fapa Josef a pekmi lo khan a hla lo.

LAMKALTU 7:16

An ruh cu Shekhem ah khan an kalpi hna i khika ah Abraham nih Hamor miphun sinin tangka in a cawkmi thlan ah khan an vui hna.

DEUTERONOMI 11:30

Jordan tiva ral, nitlaknak lei lam hnulei, Arabah i a ummi Kanaan mi hna ram chung, Gilgal ral, Moreh kuhthing hna pawngah an um, a si lo mei?

HEBRU 11:9

Pathian nih a kamhmi ram chungah khan zumhnak in ramdangmi bantukin khua a sa. Isak le Jakob he tiah thlam chungah khan khua an sa i cu hna zong cu Pathian biakamnak a hmumi an si ve.

JOSHUA 20:7

Cucaah Naftali tlangram i Galilee ram chungah Kedesh le, Efraim tlangram ah Shekhem le, Judah tlangram ah Kiriath-arba (cucu Hebron) cu an thim hna.

JOSHUA 24:32

Israel mi nih Izipt ram in an hun i kaipimi Josef ruh kha, Shekhem khua i hmun pakhat Jakob nih Shekhem pa Hamor i a fapa hna sinin tangka za khat in a cawkmi ah khan an vui; cu hmun cu Josef tefa hna rothil ah a cang.

BIACEIHTU 7:1

Cun Jerubbaal (cucu Gideon) le amah sinah a ummi vialte cu zing tein an tho i Harod tiput pawngah an riak; cun Midian riahhmun cu an chaklei ah, Moreh tlang hram, nelrawn chungah a si.

BIACEIHTU 9:1

Cun Jerubbaal fapa Abimelek cu Shekhem khua ah a nu rualchan hna sinah khan a va kal i annih le a nu pale hna cu an phun ningpi khan a chawnh hna i,