GENESIS 12:5 - Lai (Hakha) Common Language Bible 2006

⁵ Abram cu a nupi Sarai le a nau fapa Lot le Haran khua an um hnu i an ngeihmi an chawva vialte le an sal vialte hna he khan Kanaan ram lei kal ah cun aa thawh. Kanaan ram an phak tikah

GENESIS 12:5 ပူးပေါင်းရင်းမြစ်များ

GENESIS 10:19

Kanaan ram ramri cu Sidon in Gerar leiah Gaza tiang a phan, Cun Sodom le Gomorrah le Admah le Zeboiim leiah Lasha tiang a phan fawn.

GENESIS 11:27

Terah tefa cu hi hna hi an si: Terah cu Abram le Nahor le Haran pa a si. Haran cu Lot pa a si i

GENESIS 11:31

Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a thawhpi hna. Sihmanhsehlaw Haran khua tiang an kal i cuka ah cun umhmun an khuar.

GENESIS 13:5

Abram he a kal ṭimi Lot zong nih khan tuu le meheh le caw le a sin i a um vemi minung kha a ngeih ve hna.

GENESIS 13:6

An pahnih in hmunkhat i um awkah saṭil tlonnak ram nih a zaat hna lo, saṭil tam tuk an ngei veve.

GENESIS 14:14

Abram nih a rualchan an tlaih ti kha a theih tikah a riahhmun i a ummi a minung hna lak i zumhawktlak a timi minung za thum le hlei riat kha a kawh hna i siangpahrang hna cu Dan khua tiang an dawi hna.

GENESIS 14:21

Cun Sodom siangpahrang nih Abram cu a thawh i, “Ka minung hna dah ti lo cu, na lakmi thil paohpaoh kha an dihlak in nangmah nih i chiah ko hna,” a ti.

GENESIS 28:10

Jakob cu Beer-sheba khan aa thawh i Haran khua leiah cun a kal.

GENESIS 36:6

Cun Esau nih a nupi hna le a fapa hna le a fanu hna le a innchung i a ummi vialte hna le, a caw vialte hna le Kanaan ram chung i a ngeihmi thilri vialte hna he khan aa pong i a nau Jakob sinin ram hlapi ah a kal.

LEVITIKAS 22:11

sihmanhsehlaw tlangbawi nih tangka in a thil si awk caah sal a cawk ahcun, cu sal nih cun a ei lai; cun a inn chungah a chuakmi hna nih cun a rawl cu an ei lai.

LAMKALTU 7:4

Cucaah Khaldia ram khan a chuak i Haran khua ah khan a um. Cun Abraham cu a pa a thih hnuah atu i nan umnak ram ah hin Pathian nih a rak thawnter.