GENESIS 12:12 - Lai (Hakha) Common Language Bible 2006

¹² Izipt mi nih an in hmuh tikah, Abram nupi a si, an ti lai i nangmah duh ah keimah kha an ka thah lai.

GENESIS 12:12 ပူးပေါင်းရင်းမြစ်များ

GENESIS 20:11

Abraham nih cun a leh ve i, “Hika ah hin Pathian a ṭihmi pakhat hmanh an um lai lo i ka nupi duh ah hin keimah tu kha an ka thah lai tiah ka rak ruah caah a si.

GENESIS 26:7

Cuka mi hna nih a nupi kong kha an hal tikah, ka nupi a si, a ti ngam lo caah, ka far a si, a ti. Rebekah cu aa dawh ngaingai i cucaah amah an duh ruangah keimah kha cuka mi hna nih cun an ka thah lai, tiah a thin a phan caah cuticun a ti.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.