GENESIS 12:10 - Lai (Hakha) Common Language Bible 2006

¹⁰ Sihmanhsehlaw cuka ram ah cun rawl a um lo i mangṭam cu a fah ngaingai caah Abram cu Izipt ram i caan tlawmpal vung um ta awkah khan thlanglei kha a panh chin lengmang.

GENESIS 12:10 ပူးပေါင်းရင်းမြစ်များ

GENESIS 41:56

Mangṭam nih ram cu a pum piin a hlanh tikah Josef nih rawl khonnak inn vialte kha a hun hna i rawl cu Izipt mi kha a zuarh hna; mangṭam kha Izipt ram chungah cun a fak ko cang.

GENESIS 41:57

Cun mangṭam cu vawlei cung khuazakip ah a fah ngaingai caah vawlei cung khuazakip in Josef sin i rawl cawk awkah khan Izipt ram ah cun an ra.

GENESIS 42:5

Kanaan ram i mangṭam a tlun caah cun Israel fapa hna cu midang he khan rawl cawk ah cun an ra ve.

GENESIS 43:1

Kanaan ram chung mangṭam cu a zual chin,

GENESIS 47:13

Mangṭam cu a fak tuk hringhran i vawlei cung khuazei hmanh ah rawl a um lo i an rawl a ṭam caah Izipt ram mi hna le Kanaan ram mi hna cu an der ngaingai.

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

2 SIANGPAHRANG 4:38

Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

2 SIANGPAHRANG 6:25

Cun annih nih an kulh caah khan Samaria khua ah cun mangṭam fak ngaingai a tlung i laa lu pakhat nih ngun shekel sawm riat a man i ṭhuro ek kab cheu li cheu khat nih ngun shekel panga a man.

SALM 105:13

Ram khat in ram khat ah an vai, peng khat in peng dang ah an pem,

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

SALM 34:19

Miṭha nih harnak tampi a in tawn, sihmanhsehlaw harnak a inmi chung khan Bawipa nih a khamh;

JEREMIAH 14:1

Khua a khen kong ah Bawipa bia Jeremiah sinah a phanmi:

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

LAMKALTU 7:11

Cun Izipt ram chung a dihlak le Kanaan ram ah khan mangṭam a tlung i harnak tampi a um. Kan pupa hna nih rawl kha an hmu kho ti lo.

RUTH 1:1

Biaceihtu hna nih an rak uk lioah khan ram chungah cun mangṭam a tlung i, Judah ram chung i Bethlehem khuami pakhat cu, a nupi le a fapa pahnih hna he tiah, Moab ram i pem awkah an kal.