GENESIS 11:8 - Lai (Hakha) Common Language Bible 2006

⁸ Cuticun Bawipa nih vawlei cung khuazakip ah a ṭhek dih hna i khuapi ser cu an ngol.

GENESIS 11:8 ပူးပေါင်းရင်းမြစ်များ

GENESIS 10:25

Eber nih fapa pahnih a ngeih hna i pakhat cu a min ah Peleg a si, cun a nau cu a min ah Joktan a si; Peleg an saknak a sullam cu amah chan ah khan vawlei mi kha an i ṭhen dih caah a si.

GENESIS 10:32

Hi hna hi Noah tefa hna nih an hrinmi hna miphun cu an si, anmahle an i hrinsor ning cio le an phun kalning cio in. Vawlei cung miphun vialte hna hi buanchukcho hnuah Noah fapa hna nih an hrinsormi hna an si.

GENESIS 10:5

Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan khua an sa i anmah le an holh cio kha an hmang.

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

GENESIS 11:9

Cu khuapi cu a min ah Babel an ti, zeicahtiah cuka ah cun Bawipa nih mi vialte kha an holh a danter hna i cuka cun vawlei cung khuazakip ah khan a ṭhek hna.

GENESIS 49:7

An thinhunnak cu ṭih a nun tuk caah an cungah chiatserhnak nih tlunhnawh hna seh, an thinlinhnak cu a puarhran tuk caah chiat nih tlunhnawh ko hna seh. Jakob ram chungah ka ṭhek hna lai i Israel mi lakah ka ṭhen dih hna lai.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

SALM 92:9

Na ral cu an thi lai i miṭhalo vialte cu raldohnak ah an sung lai i an i ṭhek dih lai ti kha kan hngalh.

LUKA 1:51

A ṭhawngmi a ban kha a samh i miruamkai hna kha an khuakhanmi he a ṭhek dih hna.

DEUTERONOMI 32:8

Cung Nung Bik nih miphun hna kha an ro a pek hna i Minung fapa hna kha a ṭhen hna tikah, Pathian fapa an tlawm an tam ningin minung an ramri kha a fehter.